തിരുവനന്തപുരം: തിരുവനന്തപുരത്ത് വൻ ലഹരി വേട്ട. ആറ്റിങ്ങലില് ഒന്നേകാല് കിലോ എംഡിഎംഎയാണ് പിടികൂടിയത്. രഹസ്യ വിവരത്തെ തുടർന്ന് ഡാൻസാഫ് ടീമാണ് പ്രതികളെ പിടികൂടിയത്. എംഡിഎംഎ കടത്താൻ ശ്രമിച്ച നാലു പേരെയും അന്വേഷണ സംഘം കസ്റ്റഡിയിലെടുത്തു. സഞ്ജു(42), നന്ദു(32), ഉണ്ണിക്കണ്ണൻ(39), പ്രവീണ് (35) എന്നിവരാണ് പിടിയിലായത്.
വിദേശത്തു നിന്നും കടത്തിക്കൊണ്ടുവന്ന എംഡിഎംഎ വിമാനത്താവളത്തില് നിന്നും സുരക്ഷിതമായി പുറത്തെത്തിച്ചെങ്കിലും ഡാൻസാഫ് സംഘം നടത്തിയ പരിശോധനയില് സംഘം കുടുങ്ങുകയായിരുന്നു. കോടികള് വിലമതിക്കുന്ന ലഹരിമരുന്നാണ് പിടികൂടിയത്. ഇന്നു പുലർച്ചെ ഒന്നരമണിയോടെയാണ് സംഘം ഡാൻസാഫിന്റെ പിടിയിലായത്. രഹസ്യവിവരത്തെ തുടർന്ന് പോലീസ് നടത്തിയ പരിശോധനയിലാണ് ഇവർ വലയിലാകുന്നത്. സ്വർണക്കടത്തിലെയും മയക്കുമരുന്ന് കടത്തിലെയും പ്രതിയാണ് സഞ്ജു.
ഇയാളാണ് വിദേശത്തുനിന്ന് ലഹരിയുമായി തിരുവനന്തപുരം വിമാനത്താവളത്തിലെത്തിയതെന്നാണ് വിവരം. മറ്റുമൂന്നുപേർ വിമാനത്താവളത്തില് ഇയാളെ സ്വീകരിക്കാനെത്തിയവരാണ്. ഇവരും ഇയാളുടെ സംഘത്തില്പെട്ടവരാണെന്ന് പോലീസ് പറയുന്നു. വിമാനത്താവളം മുതല് തന്നെ പോലീസ് നിരീക്ഷണത്തിലായിരുന്നു ഇവർ. സഞ്ചരിച്ച ഇന്നോവ കാർ പോലീസ് കൈകാണിച്ചെങ്കിലും നിർത്താതെ പോകുകയായിരുന്നു.
പിന്തുടർന്ന് വാഹനം തടഞ്ഞ് നടത്തിയ പരിശോധനയിലാണ് എംഡിഎംഎ കണ്ടെത്തുന്നത്. ഈന്തപ്പഴം പൊതിഞ്ഞ് കൊണ്ടുവന്ന ബാഗേജിനുള്ളിലാണ് എംഡിഎംഎ സൂക്ഷിച്ചിരുന്നത്. പിടിയിലായ പ്രതികള് അടുത്തിടെ വിദേശസന്ദർശനം നടത്തിയിരുന്നു. സഞ്ജു ഈ മാസം ആദ്യയാഴ്ചയും നന്ദു കഴിഞ്ഞ മാസവുമാണ് വിദേശത്തേക്ക് പോയത്. കസ്റ്റംസിന്റെ കയ്യില്പ്പെടാതെ ലഹരി എങ്ങനെ പുറത്തെത്തിച്ചു എന്നതിലടക്കം സംശയം ഉയരുന്നുണ്ട്.
SUMMARY: Massive drug bust in Thiruvananthapuram; One and a half kilos of MDMA brought from abroad seized
ബെംഗളൂരു: ഹെബ്ബഗോഡി ഫ്രണ്ട്സ് അസോസിയേഷൻ നാരായണ ഹെൽത്തിൻ്റെ സഹകരണത്തോടെ നടത്തുന്ന സൗജന്യ ആരോഗ്യ മെഡിക്കൽ ക്യാമ്പ് ജൂലൈ 13ന് രാവിലെ…
കോഴിക്കോട്: കക്കയം പഞ്ചവടിപ്പുഴയില് കുളിക്കുന്നതിനിടെ കയത്തില്പ്പെട്ട് കാണാതായ യുവാവിന്റെ മൃതദേഹം കണ്ടെത്തി. വ്യാഴാഴ്ച ഉച്ചയോടെയാണ് കിനാലൂർ പൂളക്കണ്ടി സ്വദേശി കളരിപൊയില്…
കൊച്ചി: ഐബി ഉദ്യോഗസ്ഥ ആത്മഹത്യ ചെയ്ത സംഭവത്തില് പ്രതി സുകാന്ത് സുരേഷിന് ജാമ്യം. ഹൈക്കോടതി സിംഗിള് ബെഞ്ചാണ് ജാമ്യം നല്കിയത്.…
ഷാർജ: ഷാർജയില് മലയാളി യുവതിയെയും ഒന്നര വയസ്സുള്ള മകളെയും ഫ്ലാറ്റില് മരിച്ച നിലയില് കണ്ടെത്തി. കൊല്ലം കേരളപുരം സ്വദേശി നിതീഷ്…
തിരുവനന്തപുരം: കേരളത്തിൽ ഇന്ന് സ്വര്ണവിലയിൽ വര്ധനവ്. കേരളത്തില് ഇന്ന് ഒരു പവന് സ്വര്ണത്തിന് 160 രൂപയാണ് കൂടിയത്. 72,160 രൂപയാണ്…
കോട്ടയം: കോട്ടയം മെഡിക്കല് കോളജില് കെട്ടിടം തകര്ന്നുവീണുണ്ടായ അപകടത്തില് മരിച്ച ബിന്ദുവിന്റെ കുടുംബത്തിന് സര്ക്കാര് പത്തുലക്ഷം രൂപ ധനസഹായം നല്കും.…