ബെംഗളൂരു: കർണാടകയിൽ കബഡി മത്സരത്തിനിടെ ഗാലറി തകർന്നുവീണുണ്ടായ അപകടത്തിൽ ഒരാൾ മരിച്ചു. മാണ്ഡ്യ താലൂക്കിലെ മല്ലനായകനഹള്ളി കട്ടെ ഗ്രാമത്തിൽ ശനിയാഴ്ച രാത്രിയാണ് സംഭവം. ഫ്ലഡ്‌ലൈറ്റ് കബഡി ടൂർണമെന്റിനിടെ താൽക്കാലികമായി സ്ഥാപിച്ച ഗാലറി തകർന്നുവീഴുകയായിരുന്നു. മല്ലനായകനഹള്ളി സ്വദേശിയായ പാപാനിച്ചാറാണ് (45) മരിച്ചത്. അപകടത്തിൽ 15 ഓളം പേർക്ക് പരുക്കേറ്റു. ഇവരെ ചികിത്സയ്ക്കായി മാണ്ഡ്യ ഇൻസ്റ്റിറ്റ്യൂട്ട് ഓഫ് മെഡിക്കൽ സയൻസസിൽ പ്രവേശിപ്പിച്ചു.
മൈസൂരു ഡിവിഷണൽ ലെവൽ കബഡി ടൂർണമെന്റായ ശ്രീ ഭൈരവ കപ്പ്- 2025 നടക്കുന്നതിനിടെയായിരുന്നു അപകടമുണ്ടായത്. പ്രദേശത്തെ ക്ലബ്ബിന്റെ നേതൃത്വത്തിൽ 26,27 തിയതികളിലായാണ് മത്സരം നടത്താൻ തീരുമാനിച്ചിരുന്നത്. ശനിയാഴ്ച വൈകിട്ട് തുടങ്ങിയ ടൂർണമെന്റ് കാണാൻ ആയിരത്തിലധികം പേരാണ് എത്തിയത്. മത്സരം നടക്കുന്നതിനിടെ ജനങ്ങൾ തിങ്ങിനിറഞ്ഞതോടെയാണ് താൽക്കാലിക ഗാലറി തകർന്നുവീണത്. സംഭവത്തിൽ മാണ്ഡ്യ പോലീസ് കേസെടുത്തു.
TAGS: KARNATAKA | ACCIDENT
SUMMARY: One killed, many injured as gallery collapses during Kabaddi matc
ആലപ്പുഴ: ആലപ്പുഴ ബീച്ച്‌ വാർഡില്‍ നിന്നും കാണാതായ യുവതിയുടെ മൃതദേഹം തോട്ടില്‍ കണ്ടെത്തി. മായ എന്ന 37വയസുകാരിയെ ആണ് രണ്ട്…
ബെംഗളൂരു: വൈറ്റ്ടോപ്പിങ് പ്രവൃത്തികൾ നടക്കുന്നതിനാൽ പുലികേശി നഗറിലെ എംഎം റോഡിൽ ഇന്നു മുതൽ 20 ദിവസത്തേക്ക് ഗതാഗതം നിരോധിച്ചു. മോസ്ക്…
തിരുവനന്തപുരം: ഹൃദയാഘാതത്തെ തുടര്‍ന്ന് ആശുപത്രിയില്‍ പ്രവേശിപ്പിച്ച മുന്‍ മുഖ്യമന്ത്രി വി എസ് അച്യുതാനന്ദന്റെ ആരോഗ്യനില മാറ്റമില്ലാതെ തുടരുന്നു. തിരുവനന്തപുരത്തെ സ്വകാര്യ…
ബെംഗളൂരു: നഗരത്തിലെ റോഡുകളുടെ ശോചനീയാവസ്ഥയെക്കുറിച്ച് പരാതി വ്യാപകമാകുന്നതിനിടെ കുഴി അടയ്ക്കൽ നടപടികളുമായി ബിബിഎംപി. മൈസൂരു റോഡ്, മാഗഡി റോഡ്, വൈറ്റ്ഫീൽഡ്…
ബെംഗളൂരു: നഗരത്തിലെ 75 ജംക്ഷനുകളിലെ ഗതാഗത കുരുക്കഴിക്കാനും സുരക്ഷിതമാക്കാനുമുള്ള പദ്ധതി ഉടൻ നടപ്പിലാക്കുമെന്ന് ബിബിഎംപി. തിരഞ്ഞെടുത്ത ജംക്ഷനുകളിലെ റോഡിന്റെ നിർമാണ…
തിരുവനന്തപുരം: കേരളത്തില്‍ കനത്ത മഴ തുടരുമെന്ന് കേന്ദ്ര കാലാവസ്ഥാ വകുപ്പിന്റെ മുന്നറിയിപ്പ്. ഇന്ന് എട്ട് ജില്ലകളില്‍ യെല്ലോ അലര്‍ട്ട് പ്രഖ്യാപിച്ചു.…