കണ്ണൂര്: കോളിളക്കം സൃഷ്ടിച്ച പാലത്തായി പീഡനക്കേസില് പ്രതിയും ബിജെപി നേതാവുമായ കടവത്തൂർ മുണ്ടത്തോടില് കുറുങ്ങാട്ട് കുനിയില് കെ.പത്മരാജൻ കുറ്റക്കാരനെന്ന് കോടതി. കേസില് തലശ്ശേരി പോക്സോ പ്രത്യേക കോടതി നാളെ ശിക്ഷ വിധിക്കും. പ്രതിക്കെതിരെ ബലാത്സംഗം അടക്കമുള്ള കുറ്റങ്ങളാണ് തെളിഞ്ഞത്.
ജീവപര്യന്തം മുതല് വധശിക്ഷ വരെ ലഭിക്കാവുന്ന കുറ്റങ്ങള് പ്രതി ചെയ്തിട്ടുണ്ടെന്നാണ് കോടതിയുടെ കണ്ടെത്തല്. ബിജെപി തൃപ്രങ്ങോട്ടൂർ പഞ്ചായത്ത് പ്രസിഡൻ്റായിരുന്ന പത്മരാജൻ നാലാം ക്ലാസുകാരിയെ പീഡിപ്പിച്ചെന്നാണ് കേസ്. 2020 ജനുവരിക്കും ഫെബ്രുവരിക്കുമിടയിലാണ് സംഭവം.
കേസില് ലോക്കല് പോലീസും ക്രൈംബ്രാഞ്ചും അടക്കം നിരവധി സംഘങ്ങള് അന്വേഷണം നടത്തിയിരുന്നു. ഒടുവില് 2021ല് ഡിവൈഎസ്പി ടി.കെ രത്നകുമാറിൻ്റെ നേതൃത്വത്തിലുള്ള പ്രത്യേക അന്വേഷണ സംഘമാണ് പ്രതിക്കെതിരെ പോക്സോ വകുപ്പ് ചുമത്തി കുറ്റപത്രം സമർപ്പിച്ചത്.
SUMMARY: Palathai rape case; Court finds accused Padmarajan guilty
