ബെംഗളൂരു: ഡൽഹിയിൽ നിന്ന് ബെംഗളൂരുവിലേക്ക് പോകുകയായിരുന്ന എയർ ഇന്ത്യ എക്സ്പ്രസ് വിമാനത്തിലേക്ക് പാസഞ്ചർ സ്റ്റെയർ ട്രക്ക് ഇടിച്ച് അപകടം. സംഭവത്തിൽ വിമാനത്തിന്റെ ചിറകിന് കേടുപാടുകൾ സംഭവിച്ചു. സൂറത്തിൽ വിമാനം ലാൻഡ് ചെയ്തപ്പോഴായിരുന്നു സംഭവം.
ഡൽഹിയിൽ നിന്ന് വെള്ളിയാഴ്ച രാത്രി ഒമ്പത് മണിയോടെ എയർ ഇന്ത്യ എക്സ്പ്രസ് വിമാനത്തിൻ്റെ ചിറകിൽ പുറകിൽ നിന്ന് ഗേറ്റിലേക്ക് നീങ്ങിയ സ്റ്റെയർ ട്രക്ക് ഇടിക്കുകയായിരുന്നു. സംഭവസമയത്ത് 177 യാത്രക്കാരാണ് വിമാനത്തിലുണ്ടായത്. അപകടത്തിന്റെ പശ്ചാത്തലത്തിൽ വിമാനം സർവീസ് അടിയന്തിരമായി റദ്ദാക്കി. ഇതോടെ യാത്രക്കാരെ സൂറത്തിലെ സ്വകാര്യ ഹോട്ടലിലേക്ക് മാറ്റി.
എയർ ഇന്ത്യ എക്സ്പ്രസ് എൻജിനീയർമാർ ശനിയാഴ്ച വിമാനത്താവളത്തിലെത്തി വിമാനം പരിശോധിച്ചു. സംഭവത്തിൽ എയർ ഇന്ത്യ എക്സ്പ്രസ് അധികൃതർ പ്രതികരിച്ചിട്ടില്ല.
TAGS: BENGALURU UPDATES | AIR INDIA
SUMMARY: Air india bengaluru bound flight collides with passenger truck
