പതിനെട്ടാം പടിയില്‍ നിന്നുകൊണ്ട് ഫോട്ടോഷൂട്ട്; 23 പോലീസുകാര്‍ക്കെതിരേ നടപടി

പത്തനംതിട്ട: ശബരിമലയിലെ പതിനെട്ടാം പടിയില്‍ നിന്നുകൊണ്ട് ഫോട്ടോയെടുത്ത സംഭവത്തില്‍ പോലീസുകാര്‍ക്കെതിരേ നടപടി. എസ്.എ.പി. ക്യാമ്പിലെ 23 പോലീസുകാര്‍ക്ക് കണ്ണൂര്‍ കെഎപി-4 ക്യാമ്പിൽ നല്ല നടപ്പ് പരിശീലനത്തിന് എഡിജിപി എസ്. ശ്രീജിത്ത് നിര്‍ദേശം നല്‍കി. തീവ്ര പരിശീലനം നല്‍കണമെന്നാണ് നിര്‍ദേശം.

പതിനെട്ടാം പടിയില്‍ പുറം തിരിഞ്ഞിരുന്ന് പോലീസുകാര്‍ ഫോട്ടോ എടുത്തത് വിവാദമായിരുന്നു. ഫോട്ടോ സാമൂഹിക മാധ്യമങ്ങളില്‍ പ്രചരിക്കുകയും ചെയ്തു. തുടര്‍ന്നാണ് പോലീസ് നടപടി. ശബരിമല ഡ്യൂട്ടിക്കു ശേഷം ആദ്യ ബാച്ചിലെ പോലീസുകാരാണു പതിനെട്ടാംപടിയില്‍ നിന്ന് ഫോട്ടോ എടുത്തത്.

TAGS : SABARIMALA | POLICE
SUMMARY : Photoshoot standing on the 18th step; Action against 23 policemen