ബെംഗളൂരു: ബെംഗളൂരു മെട്രോയുടെ പിങ്ക് ലൈൻ 2026ഓടെ പിങ്ക് ലൈൻ തുറക്കുമെന്ന് ബിഎംആർസിഎൽ അറിയിച്ചു. നമ്മ മെട്രോയുടെ ഏറ്റവും ദൈർഘ്യമേറിയ ഭൂഗർഭ ഇടനാഴിയാണ് ഇതോടെ പ്രവർത്തനക്ഷമമാകുക. 21.26 കിലോമീറ്റർ ദൈർഘ്യമുള്ള പിങ്ക് ലൈനിന്റെ നിർമാണം 93.13 ശതമാനം പൂർത്തിയായെങ്കിലും, മറ്റ്‌ ജോലികൾ പുരോഗമിക്കുകയാണ്.
പദ്ധതി രണ്ട് ഘട്ടങ്ങളിലായാണ് തുറക്കുക. ആദ്യ ഘട്ടമായ കലേന അഗ്രഹാര മുതൽ തവരക്കരെ വരെയുള്ള 7.5 കിലോമീറ്റർ എലിവേറ്റഡ് ഭാഗം ഈ വർഷം ഡിസംബറോടെ തുറക്കും. രണ്ടാം ഘട്ടമായ 13.8 കിലോമീറ്റർ ഭൂഗർഭഭാഗം 2026 ഡിസംബറോടെ തുറക്കും. 21.26 കിലോമീറ്റർ ദൈർഘ്യത്തിൽ 12 സ്റ്റേഷനുകൾ ഉൾപ്പെടും. എംജി റോഡ് സ്റ്റേഷനിൽ നാല് പ്രവേശന കവാടങ്ങളുണ്ടാകും. 13.89 കിലോമീറ്റർ ഭൂഗർഭ വിഭാഗവും ആറ് സ്റ്റേഷനുകളുള്ള 7.37 കിലോമീറ്റർ എലിവേറ്റഡ് വിഭാഗവുമായിട്ടാണ് പൂർത്തിയാക്കുന്നത്. സ്റ്റേഷനുകൾ ശരാശരി 59 അടി ആഴത്തിലാണ് നിർമിക്കുന്നത്.
ഭൂഗർഭപാതയിലെ നിർമാണ പ്രവൃത്തികൾ പൂർത്തിയായിക്കൊണ്ടിരിക്കുകയാണ്. പ്ലാസ്റ്ററിങ്, ഫ്ലോറിങ്, സിസ്റ്റം ഇൻസ്റ്റാളേഷനുകൾ എന്നിവയുൾപ്പെടെയുള്ള ഫിനിഷിങ് ജോലികൾ പുരോഗമിക്കുകയാണ്. സ്റ്റേഷൻ നിർമാണം, സിഗ്നലിങ്, എയർ കണ്ടീഷനിങ് സ്ഥാപിക്കൽ തുടങ്ങിയ ജോലികൾ ഇനിയും പൂർത്തിയാകാനുണ്ട്.
TAGS: BENGALURU
SUMMARY: Pink line namma metro to be opened by next year
ആലപ്പുഴ: ഓമനപ്പുഴ കൊലപാതകവുമായി ബന്ധപ്പെട്ട് കൊല്ലപ്പെട്ട ജാസ്മിന്റെ മാതാവ് ജെസ്സിമോളെയും പോലീസ് കസ്റ്റഡിയില്‍ എടുത്തു. കൊലപാതകത്തില്‍ ജെസ്സിമോളുടെ പങ്കും സംശയിക്കുന്ന…
മൈസൂരു: ബന്ദിപുർ കടുവ സംരക്ഷണ കേന്ദ്രത്തിൽ 20 കുരങ്ങുകളുടെ ജഡം 2 ബാഗുകളിലാക്കി ഉപേക്ഷിച്ച നിലയിൽ കണ്ടെത്തി. ചാമരാജ്നഗർ ജില്ലയിലെ…
ബെംഗളൂരു: കർണാടകയിൽ 3400 കോടി രൂപയുടെ പദ്ധതികൾക്ക് മന്ത്രിസഭ അംഗീകാരം നൽകി. ബെംഗളൂരു മേഖലയ്ക്കാണ് 2550 കോടി രൂപയും നീക്കിവച്ചിട്ടുള്ളത്.…
തിരുവനന്തപുരം: പോത്തൻകോട് തെരുവു നായയുടെ ആക്രമണത്തിൽ നിരവധി പേർക്ക് പരുക്ക്. ഇരുപതോളം പേർക്കാണ് തെരുവുനായയുടെ കടിയേറ്റത്. ഇന്നലെ വൈകുന്നേരം ഏഴുമണിയോടെ…
ഉത്തരേന്ത്യന്‍ സംസ്ഥാനങ്ങളില്‍ മഴ ശക്തം. ഗുജറാത്തിലെ ബനസ്കന്ത, സബർ കാന്ത, ആരവലി മേഖലകളിലും, ഒഡിഷയിലെ ബർഗറിലും റെഡ് അലർട്ട് പ്രഖ്യാപിച്ചു.…
തൃശൂര്‍: പന്നിത്തടത്ത് കെഎസ്ആര്‍ടിസി ബസും മീന്‍ ലോറിയും തമ്മില്‍ കൂട്ടിയിടിച്ച് അപകടം. ബസ് ഡ്രൈവറും കണ്ടക്ടറും ഉള്‍പ്പടെ പന്ത്രണ്ടോളം പേര്‍ക്ക്…