ഡല്ഹി: ഹരിയാനയിലെ ഫരീദാബാദില് നടക്കുന്ന പ്രശസ്തമായ സൂരജ്കുണ്ഡ് അന്താരാഷ്ട്ര സാംസ്കാരിക കലാമേളയ്ക്കിടെ വൻ അപകടം. കലാമേളയുടെ ഭാഗമായുള്ള ഭീമൻ യന്ത്ര ഊഞ്ഞാല് തകർന്നുവീണ് ഒരു പോലീസുകാരൻ മരിച്ചു. സംഭവസ്ഥലത്ത് ഡ്യൂട്ടിയിലുണ്ടായിരുന്ന പോലീസുകാരനാണ് ജീവൻ നഷ്ടമായത് എന്നാണ് പ്രാഥമിക വിവരം.
അപകടത്തില് 13 പേർക്ക് പരുക്കേല്ക്കുകയും ചെയ്തു. പരുക്കേറ്റവരില് ചിലരുടെ നില ഗുരുതരമാണ്. നാട്ടുകാരും പോലീസും ചേർന്നാണ് രക്ഷാപ്രവർത്തനങ്ങള്ക്ക് നേതൃത്വം നല്കിയത്. സംഭവത്തിന് പിന്നാലെ ഉന്നത പോലീസ് ഉദ്യോഗസ്ഥരും ജില്ലാ ഭരണകൂടവും സ്ഥലത്തെത്തി സ്ഥിതിഗതികള് വിലയിരുത്തി.
യന്ത്ര ഊഞ്ഞാലിന്റെ സാങ്കേതിക തകരാറാണോ അതോ അമിതഭാരമാണോ അപകടത്തിന് കാരണമെന്ന് വ്യക്തമല്ല. അപകടത്തെക്കുറിച്ച് ഉന്നതതല അന്വേഷണം നടത്താൻ ഹരിയാന സർക്കാർ ഉത്തരവിട്ടു. മേളയിലെ സുരക്ഷാ ക്രമീകരണങ്ങളില് വീഴ്ചയുണ്ടായോ എന്നതടക്കമുള്ള കാര്യങ്ങള് അന്വേഷണ പരിധിയില് വരും.
SUMMARY: Police officer dies in Faridabad after being hit by a falling machine
