ബെംഗളൂരു: പെട്രോൾ, ഡീസൽ വില വർധിപ്പിച്ചതിനെത്തുടർന്ന് കർണാടകയിൽ സ്വകാര്യ ബസുകളിൽ ടിക്കറ്റ് നിരക്ക് വർധിപ്പിച്ചു. 20 മുതൽ 30 ശതമാനം വരെയാണ് വർധന. വെള്ളിയാഴ്ച അർധരാത്രി മുതൽ നിരക്ക് വർധന പ്രാബല്യത്തിൽ വന്നു. ഇതോടെ സംസ്ഥാനത്ത് നിന്നു കേരളമുൾപ്പെടെയുള്ള സംസ്ഥാനാന്തര റൂട്ടുകളിലും നിരക്ക് ഉയരും.
അമിത റോഡ് നികുതി, കർണാടക ആർടിസി ബസുകളിൽ സ്ത്രീകൾക്കു നല്കുന്ന സൗജന്യ യാത്ര എന്നിവ മൂലം സ്വകാര്യ ബസ് മേഖല പ്രതിസന്ധിയിലായിരുന്നുവെന്നും ഇതിനു പിന്നാലെ ഇന്ധനവില വർധിപ്പിച്ചത് ഇരുട്ടടിയായെന്നും കർണാടക സ്റ്റേറ്റ് ബസ് ഓണേഴ്സ് അസോസിയേഷൻ പ്രസിഡന്റ് എസ്.നടരാജ് ശർമ പറഞ്ഞു.
SUMMARY: Private bus fares increased in Karnataka
