കോഴിക്കോട്: രാജ്യസഭാ എംപിയും ഇന്ത്യന് ഒളിമ്പിക്സ് അസോസിയേഷന് പ്രസിഡന്റുമായ പി ടി ഉഷയുടെ ഭര്ത്താവ് വി ശ്രീനിവാസന് അന്തരിച്ചു. 64 വയസ്സായിരുന്നു. കോഴിക്കോട് പയ്യോളിയിലെ ആശുപത്രിയില് ഇന്ന് പുലർച്ചെ ഹൃദയാഘാതത്തെ തുടർന്ന് അന്ത്യം സംഭവിച്ചു. പെരുമാളുപുരത്തെ ഉഷയുടെ വീട്ടില് കുഴഞ്ഞുവീണശേഷം ആശുപത്രിയില് എത്തിച്ചെങ്കിലും ജീവൻ രക്ഷിക്കാനായില്ല.
വി ശ്രീനിവാസൻ പൊന്നാനി സ്വദേശിയും മുൻ കബഡി താരവുമായിരുന്നു. കൂടാതെ, അദ്ദേഹം കേന്ദ്ര വ്യവസായ സുരക്ഷാ സേനയില് റിട്ടയർഡ് ഡിവൈഎസ്പിയുമായിരുന്നു. പൊന്നാനി കുറ്റിക്കാട് വെങ്ങാലി തറവാട്ടിലെ നാരായണൻ-സരോജനി ദമ്പതികളുടെ മകനായ ശ്രീനിവാസൻ 1991ലായിരുന്നു അകന്ന ബന്ധുവായിരുന്ന പി ടി ഉഷയുമായുള്ള വിവാഹം. മകന്. ഡോ. ഉജജ്വല് വിഗ്നേഷ്. പാര്ലമെന്റ് സമ്മേളനത്തില് പങ്കെടുത്തതിനു ശേഷം പിടി ഉഷ എംപി നാട്ടിലേക്ക് തിരിച്ചിട്ടുണ്ട്.
SUMMARY: PT Usha’s husband V Sreenivasan passes away
