കോട്ടയം: സര്ക്കാർ നഴ്സിംഗ് കോളേജിലെ റാഗിംഗ് കേസിലെ പ്രതികളുടെ ജാമ്യാപേക്ഷയിൽ ഇന്ന് വിധി പറയും. പ്രതികളായ സാമുവൽ ജോൺസൺ, രാഹുൽ രാജ്, എസ്എൻ ജീവ, എൻവി വിവേക്, റിജിൽ ജിത്ത് എന്നിവരുടെ ജാമ്യാപേക്ഷയിൽ ജില്ലാ സെഷൻസ് കോടതി ഇന്നലെ വാദം കേട്ടിരുന്നു. കുറ്റകൃത്യത്തിന്റെ ഗൗരവം കണക്കിലെടുത്ത് പ്രതികൾക്ക് ജാമ്യം അനുവദിക്കരുതെന്നാണ് പ്രൊസീക്യൂഷന് വാദിച്ചത്. വിദ്യാർഥികളുടെ പ്രായം പരിഗണിക്കണമെന്നാണ് പ്രതിഭാഗം ആവശ്യപ്പെട്ടത്. പോലീസിനോടും കോടതി വിശദമായ റിപ്പോർട്ട് സമർപ്പിക്കാൻ നിർദേശിച്ചിട്ടുണ്ട്.
പിറന്നാള് ആഘോഷത്തിന് ചെലവ് ചെയ്യാത്തതിനെ തുടര്ന്നാണ് പ്രതികള് പരാതിക്കാരനായ ജൂനിയര് വിദ്യാര്ത്ഥിയെ ക്രൂരമായി ഉപദ്രവിച്ചതെന്നാണ് പോലീസിന്റെ കണ്ടെത്തല്. മദ്യമടക്കം വാങ്ങാന് വിദ്യാര്ഥിയോട് പ്രതികള് പണം ആവശ്യപ്പെട്ടിരുന്നു. വിദ്യാര്ഥി പണം കൊടുക്കാതിരുന്നപ്പോള് കട്ടിലില് കെട്ടിയിട്ട് കോമ്പസ് ഉപയോഗിച്ച് കുത്തി പരുക്കേല്പ്പിക്കുകയും ക്രൂരമായി മര്ദിക്കുകയും ചെയ്തു. ഇതിന്റെ ദൃശ്യങ്ങള് പ്രതികള് ഫോണില് പകര്ത്തുകയും ചെയ്തു. ഈ ദൃശ്യങ്ങൾ നേരത്തെ പുറത്ത് വന്നിരുന്നു.
<BR>
TAGS : RAGGING | KOTTAYAM NEWS
SUMMARY : Ragging case at Kottayam Nursing College; verdict on bail plea of accused to be pronounced today
