ഗുവാഹത്തി: അസമിലെ നാഗോൺ ജില്ലയിൽ ശനിയാഴ്ച പുലർച്ചെയുണ്ടായ ദാരുണമായ അപകടത്തിൽ എട്ട് ആനകൾ ചരിഞ്ഞു. ന്യൂഡൽഹിയിലേക്ക് പോവുകയായിരുന്ന രാജധാനി എക്സ്പ്രസ് ആനക്കൂട്ടത്തിലേക്ക് ഇടിച്ചുകയറുകയായിരുന്നു. അപകടത്തെത്തുടർന്ന് ട്രെയിനിന്റെ എഞ്ചിനും അഞ്ച് കോച്ചുകളും പാളം തെറ്റി. ട്രെയിനിലെ യാത്രക്കാരെല്ലാം സുരക്ഷിതരാണെന്ന് റെയിൽവേ അധികൃതർ സ്ഥിരീകരിച്ചു.
ശനിയാഴ്ച പുലർച്ചെ 2:17-ഓടെ ജമുനാമുഖ്-കാംപൂർ സെക്ഷനിലാണ് അപകടമുണ്ടായത്. സൈറംഗിൽ നിന്ന് ന്യൂഡൽഹിയിലേക്ക് പോവുകയായിരുന്ന 20507 ഡിഎൻ രാജധാനി എക്സ്പ്രസാണ് അപകടത്തിൽപ്പെട്ടത്. ട്രാക്കിൽ ആനക്കൂട്ടത്തെ കണ്ടയുടൻ ലോക്കോ പൈലറ്റ് എമർജൻസി ബ്രേക്ക് പ്രയോഗിച്ചെങ്കിലും വേഗതയിലായിരുന്ന ട്രെയിൻ ആനക്കൂട്ടത്തിലേക്ക് ഇടിച്ചുകയറുകയായിരുന്നു. ലുംഡിംഗ് ഡിവിഷന് കീഴിലുള്ള ഈ പ്രദേശം ആനകളുടെ സ്ഥിരം സഞ്ചാരപാതയായി (Elephant Corridor) അടയാളപ്പെടുത്തിയ ഇടമല്ലെന്ന് റെയിൽവേ അധികൃതർ അറിയിച്ചു.
അപകടം നടന്ന ഉടൻ തന്നെ ലുംഡിംഗിൽ നിന്നുള്ള ഉന്നത ഉദ്യോഗസ്ഥരും ദുരിതാശ്വാസ ട്രെയിനുകളും സ്ഥലത്തെത്തി. പാളം തെറ്റിയ കോച്ചുകളിലെ യാത്രക്കാരെ ഉടൻ തന്നെ മറ്റ് കോച്ചുകളിലേക്ക് മാറ്റി. അപകടത്തെത്തുടർന്ന് ഈ പാതയിലെ ട്രെയിനുകൾ ‘അപ് ലൈൻ’ വഴി തിരിച്ചുവിട്ടു.
പാളം തെറ്റിയ കോച്ചുകള് വേര്പെടുത്തിയശേഷം പുലര്ച്ചെ 6.11-ഓടെ ട്രെയിന് ഗുവാഹത്തിയിലേക്ക് തിരിച്ചു. ഗുവാഹത്തിയില് എത്തിയ ശേഷം എല്ലാ യാത്രക്കാരെയും ഉള്ക്കൊള്ളാന് ആവശ്യമായ അധിക കോച്ചുകള് ഘടിപ്പിച്ച് ട്രെയിന് ന്യൂഡല്ഹിയിലേക്ക് യാത്ര തുടരുമെന്ന് അധികൃതര് അറിയിച്ചു. അപകടത്തെത്തുടര്ന്ന് ഈ പാതയിലൂടെ കടന്നുപോകേണ്ട മറ്റ് ട്രെയിനുകള് ‘അപ് ലൈന്’ വഴി തിരിച്ചുവിട്ടു. പാളത്തിലെ സുരക്ഷാ പരിശോധനകള്ക്ക് ശേഷം സാധാരണ ഗതാഗതം പുനഃസ്ഥാപിക്കുമെന്ന് റെയില്വേ അറിയിച്ചു.
SUMMARY: Rajdhani Express crashes into herd of elephants; eight elephants fall, five coaches derail
പാലക്കാട്: വാളയാറിലെ ആള്കൂട്ടക്കൊലപാതകത്തിന്റെ അന്വേഷണം ജില്ലാ ക്രൈംബ്രാഞ്ച് ഏറ്റെടുത്തു. ക്രൈംബ്രാഞ്ച് ഡിവൈഎസ്പി ഗോപകുമാറിന്റെ നേതൃത്വത്തിലുള്ള പ്രത്യേക സംഘം ആണ് അന്വേഷിക്കുക.…
കോഴിക്കോട്: ആറു വയസ്സുകാരനായ മകനെ അമ്മ കഴുത്തു ഞെരിച്ച് കൊലപ്പെടുത്തിയ സംഭവത്തില് കൂടുതല് വിവരങ്ങള് പുറത്ത്. കോഴിക്കോട് കാക്കൂര് രാമല്ലൂര്…
തിരുവനന്തപുരം: പത്മനാഭസ്വാമി ക്ഷേത്രത്തില് മെറ്റാ ഗ്ലാസ് ധരിച്ച് കയറിയ ആളെ കസ്റ്റഡിയിലെടുത്ത് പോലീസ്. ശ്രീലങ്കൻ സ്വദേശിയാണ് പിടിയിലായത്. മെറ്റാ ഗ്ലാസ്…
തിരുവനന്തപുരം: അവധിക്കാലത്ത് ക്ലാസുകള് നടത്താൻ അനുവദിക്കില്ലെന്ന് വിദ്യാഭ്യാസ മന്ത്രി വി ശിവൻകുട്ടി. അവധിക്കാലത്ത് ആരെയും ക്ലാസുകള് നടത്താൻ അനുവദിക്കില്ലെന്നും ഇതുസംബന്ധിച്ച്…
ബെംഗളൂരു: ക്രിസ്മസ്സിനെ വരവേറ്റുകൊണ്ട് കേരളസമാജം ബെംഗളൂരു നോർത്ത് വെസ്റ്റിൻ്റെ കരോൾ ഗായക സംഘം ഭവനങ്ങൾ സന്ദർശിച്ച് കരോൾ ഗാനങ്ങൾ ആലപിക്കുകയും…
വയനാട്: പുല്പ്പള്ളി വണ്ടിക്കടവില് കടുവാക്രമണത്തില് മരിച്ച കൂമൻ മാരൻ്റെ കുടുംബത്തിന് 10 ലക്ഷം രൂപ ധനസഹായം നല്കുമെന്ന് വയനാട് വന്യജീവി…