ബെംഗളൂരു: ബെംഗളൂരുവിൽ റിപ്പബ്ലിക് ദിനം വിപുലമായി ആഘോഷിച്ചു. ഫീൽഡ് മാർഷൽ മനേക് ഷാ പരേഡ് ഗ്രൗണ്ടിൽ നടന്ന ഔദ്യോഗിക മാർച്ച് പരേഡിൽ ഗവർണർ താവർചന്ദ് ഗെലോട്ട് ഗാർഡ് ഓഫ് ഓണർ സ്വീകരിച്ചു. റിപ്പബ്ലിക് ദിന പരേഡിൽ കർണാടക സ്റ്റേറ്റ് റിസർവ് പോലീസ് (കെഎസ്ആർപി), സിറ്റി ആംഡ് റിസർവ് (സിഎആർ), ഇന്ത്യൻ ആർമി, ബോർഡർ സെക്യൂരിറ്റി ഫോഴ്സ് (ബിഎസ്എഫ്), ഇന്ത്യൻ എയർഫോഴ്സ്, സെൻട്രൽ റിസർവ് പോലീസ് ഫോഴ്സ് (സിആർപിഎഫ്), കാഴ്ച വൈകല്യമുള്ളവരുടെ സംഘം എന്നിവ പങ്കെടുത്തു.
10 സായുധ പ്ലാറ്റൂണുകളും നിരായുധരായ ആറ് പ്ലാറ്റൂണുകളും ബെംഗളൂരുവിലെ ശ്വാന സേനയും പരേഡിന്റെ ഭാഗമായി. രമണ മഹർഷി, കാഴ്ച വൈകല്യമുള്ളവർക്കുള്ള സമർത്ഥനം എന്നീ രണ്ട് ചാരിറ്റബിൾ ട്രസ്റ്റുകളുടെ പ്രതിനിധികളും സ്കൂൾ കുട്ടികളും പങ്കെടുത്തു. കർണാടക സ്റ്റേറ്റ് റിസർവ് പോലീസ് (കെഎസ്ആർപി) ടീം ടെന്റ് പെഗ്ഗിംഗ് പ്രദർശിപ്പിച്ചു, ഇന്റേണൽ സെക്യൂരിറ്റി ഡിവിഷൻ ടീം ബസ് ഇന്റർവെൻഷൻ ഡെമോ പ്രദർശിപ്പിച്ചു. പരേഡിൽ കെഎസ്ആർപി, സിറ്റി ആംഡ് റിസർവ് (സിഎആർ), ബെംഗളൂരു ട്രാഫിക് പോലീസ്, ഡോഗ് സ്ക്വാഡ്, നാഷണൽ കേഡറ്റ് കോർപ്സ് (എൻസിസി), സ്കൗട്ട്സ് ആൻഡ് ഗൈഡ്സ്, സേവാദൾ, ഫയർ ആൻഡ് എമർജൻസി സർവീസസ്, ഹോം ഗാർഡുകൾ എന്നിവയുടെയും പരിപാടികൾ ഉണ്ടായിരുന്നു.
അഗര കർണാടക പബ്ലിക് സ്കൂളിലെ 800ഓളം വിദ്യാർഥികൾ അവതരിപ്പിച്ച നാവെല്ലാരു ഒന്ദേ, നാവു ഭാരതീയരു എന്ന പ്രത്യേക പ്രകടനം ഇത്തവണത്തെ ശ്രദ്ധേയമായ പരിപാടിയായിരുന്നു. സർക്കാരിന്റെ പ്രവർത്തനങ്ങളെയും, ഗ്യാരണ്ടി പദ്ധതികളെയും ഗവർണർ ചടങ്ങിൽ പ്രശംസിച്ചു. വർധിച്ചുവരുന്ന സാമ്പത്തിക അസമത്വം രാജ്യത്തെ സാമൂഹികവും സാമ്പത്തികവുമായ നീതിക്ക് തിരിച്ചടിയായിട്ടുണ്ടെന്നും റിപ്പബ്ലിക് ദിന പ്രസംഗത്തിൽ ഗവർണർ പറഞ്ഞു. വരും വർഷങ്ങളിൽ ബെംഗളൂരു ലോകോത്തര നിലവാരത്തിൽ മുൻപന്തിയിൽ ആയിരിക്കുമെന്നും ഇതിനായി സർക്കാരും പ്രതിപക്ഷവും ഒരുമിച്ച് പ്രവർത്തിക്കുമെന്നും അദ്ദേഹം കൂട്ടിച്ചേർത്തു.
TAGS: BENGALURU | REPUBLIC DAY
SUMMARY: In Republic Day address, Karnataka Governor Thawar Chand Gehlot hails Congress govt’s guarantee schemes, R-day geared up successfully
ബെംഗളൂരു: ബംഗ്ലാദേശിയാണെന്ന് ആരോപിച്ച് മംഗളൂരുവിൽ കുടിയേറ്റ തൊഴിലാളിയെ ആക്രമിച്ചു. പൗരത്വ തെളിവ് ആവശ്യപ്പെട്ടായിരുന്നു മർദനം. ജാർഖണ്ഡിൽ നിന്നുള്ള ദിൽജൻ അൻസാരിയാണ്…
ബെംഗളൂരു: കര്ണാടക നായര് സര്വീസ് സൊസൈറ്റി മല്ലേശ്വര0 കരയോഗം 39ാ-മത് കുടുംബ സംഗമവും കെഎന്എസ്എസിന്റെ വിവിധ കരയോഗങ്ങള് പങ്കെടുക്കുന്ന ആംഗികം…
പത്തനംതിട്ട: മകരവിളക്ക് ഉത്സവകാലത്തെ വൻ തിരക്ക് പരിഗണിച്ച് ശബരിമല തീർത്ഥാടകർക്കായി ഇന്ത്യൻ റെയില്വേ കൂടുതല് സ്പെഷ്യല് ട്രെയിനുകള് പ്രഖ്യാപിച്ചു. കൊല്ലം…
ഡല്ഹി: ഇ-കൊമേഴ്സ് കമ്പനികളുടെ പത്തു മിനിറ്റ് ഡെലിവറി വാഗ്ദാനത്തിന് അന്ത്യമാകുന്നു. ഡെലിവറി തൊഴിലാളികളുടെ സുരക്ഷ മുൻനിർത്തിയാണ് കേന്ദ്ര തൊഴില് മന്ത്രാലയത്തിന്റെ…
കൊച്ചി: കൊച്ചി കലൂര് സ്റ്റേഡിയത്തിലെ സ്റ്റേജില് നിന്നും വീണ് ഉമ തോമസ് എംഎല്എയ്ക്ക് പരുക്കേല്ക്കാന് ഇടയായ കേസിലെ നടപടികള് സ്റ്റേ…
തിരുവനന്തപുരം: കേരള കോണ്ഗ്രസ് മാണി വിഭാഗത്തെ യുഡിഎഫില് എത്തിക്കാൻ നീക്കം സജീവമാക്കി കോണ്ഗ്രസ്. ഹൈക്കമാൻ്റുമായി രണ്ട് ഘട്ട ചർച്ചകള് പൂർത്തിയായി.…