സൈബര്‍ ആക്രമണം; രാഹുല്‍ ഈശ്വര്‍, ഷാജൻ സ്കറിയ ഉള്‍പ്പെടെയുള്ളവര്‍ക്കെതിരെ പരാതിയുമായി റിനി ആൻ ജോര്‍ജ്

കൊച്ചി: നടി  റിനി ആൻ ജോർജിന് നേരെ സൈബർ ആക്രമണം. സംഭവത്തില്‍ നടി മുഖ്യമന്ത്രിക്ക് പരാതി നല്‍കി. സമൂഹ മാധ്യമങ്ങളിലെ പരാമർശങ്ങള്‍ക്കെതിരെ കേസെടുക്കണമെന്ന് ആവശ്യപ്പെട്ടാണ് പരാതി നല്‍കിയിരിക്കുന്നത്. മുഖ്യമന്ത്രിക്ക് പുറമേ എറണാകുളം റൂറല്‍ എസ്.പി., മുനമ്പം ഡിവൈഎസ്പി എന്നിവർക്കും പരാതി നല്‍കി. രാഹുല്‍ ഈശ്വർ അടക്കമുള്ളവർക്കെതിരെയാണ് പരാതി കൊടുത്തിരിക്കുന്നത്.

വിവിധ ഓണ്‍ലൈൻ ചാനലുകളുടെ ലിങ്കുകള്‍ അടക്കിയാണ് പരാതി. യുവനേതാവില്‍ നിന്ന് മോശം അനുഭവമുണ്ടായെന്ന വെളിപ്പെടുത്തലിന് പിന്നാലെ നടിക്കെതിരെ വലിയ രീതിയിലുള്ള സൈബർ ആക്രമണമാണ് ഉണ്ടായത്. യുവ നേതാവിനെതിരായ ആരോപണങ്ങളില്‍ നിയമ വഴിയേ പോകുന്നില്ലെന്ന് നേരത്തെ റിനി പറഞ്ഞിരുന്നു. സാധാരണക്കാരായ സ്ത്രീകള്‍ ഏത് രംഗത്തേക്ക് വരുമ്പോഴും നേരിടേണ്ടി വരുന്ന പ്രശ്നങ്ങള്‍ ഉയർത്തുകയാണ് ലക്ഷ്യമെന്നും റിനി വ്യക്തമാക്കിയിരുന്നു.

SUMMARY: Cyber ​​attack; Rini Ann George files complaint against Rahul Easwar, Shajan Skaria and others