ഓടിക്കൊണ്ടിരുന്ന ലോറിക്ക് തീപ്പിടിച്ചു

ബെംഗളൂരു: ബെംഗളൂരുവിൽ ഓടിക്കൊണ്ടിരുന്ന ലോറിക്ക് തീപ്പിടിച്ചു. വ്യാഴാഴ്ച ഉച്ചകഴിഞ്ഞ് പീനിയ ഫ്ലൈഓവറിൽ വെച്ചാണ് അപകടം. ബാറ്ററി ബോക്സിലെ ഷോർട്ട് സർക്യൂട്ട് ആണ് തീപ്പിടുത്തത്തിന്റെ കാരണമെന്ന് പോലീസ് പറഞ്ഞു.

തീപിടിത്തം ശ്രദ്ധയിൽപ്പെട്ട ട്രക്ക് ഡ്രൈവറും സഹായിയും വാഹനം നിർത്തി സുരക്ഷിത സ്ഥാനത്തേക്ക് ചാടി രക്ഷപ്പെടുകയായിരുന്നു. അപകടത്തെ തുടർന്ന് ഫ്ലൈഓവറിലെ ഗതാഗതം കുറച്ചുനേരം തടസ്സപ്പെട്ടു. പിന്നീട് യശ്വന്ത്പുര ട്രാഫിക് പോലീസ് സ്ഥലത്തെത്തി ഗതാഗതം പുനസ്ഥാപിച്ചു. ഫയർ ഫോഴ്സ് സ്ഥലത്തെത്തി തീയണച്ചു. അപകടത്തിൽ ലോറി ഭാഗികമായി കത്തിനശിച്ചു. സംഭവത്തിൽ യശ്വന്ത്പുര ട്രാഫിക് പോലീസ് കേസെടുത്തു.

TAGS: BENGALURU | VEHICLE CATCHES FIRE
SUMMARY: Moving lorry catches fire on Peenya flyover in Bengaluru