ശബരിമലയിൽ നടന്നത് വന്‍ കൊള്ള; ക​ട്ടി​ളപ്പാളി, ദ്വാ​ര​പാ​ല​ക ശിൽപ്പങ്ങളിൽ സ്വ​ർ​ണം കു​റ​വെന്ന് സ്ഥിരീകരിച്ച് ശാസ്ത്രീയ പരിശോധനാ ഫലം

കൊച്ചി: ശബരിമലയിൽ നടന്നത് വൻ കൊള്ളയെന്ന് വ്യക്തമാക്കി ശാസ്ത്രീയ പരിശോധനാ ഫലം. വിഎസ്എസ്‌സി തയാറാക്കിയ റിപ്പോർട്ടിലാണ് സ്ഥിരീകരണം. ഉണ്ണികൃഷ്ണൻ പോറ്റി തിരികെ എത്തിച്ച കട്ടിള, ദ്വാരപാലക പാളികളിൽ സ്വർണം കുറവ് വന്നതായി കണ്ടെത്തി. 1998ൽ ​സ്വ​ർ​ണം പൊ​തി​ഞ്ഞ മ​റ്റ് പാ​ളി​ക​ളു​മാ​യി താ​ര​ത​മ്യ പ​രി​ശോ​ധ​ന ന​ട​ത്തി​യ​പ്പോ​ഴാ​ണ് വ്യ​ത്യാ​സം ക​ണ്ടെ​ത്തി​യ​ത്. റി​പ്പോ​ർ​ട്ട് എ​സ്ഐ​ടി നി​ഗ​മ​ന​ങ്ങ​ൾ സ​ഹി​തം നാ​ളെ ഹൈ​ക്കോ​ട​തി​യി​ൽ സ​മ​ർ​പ്പി​ക്കും. ശബരിമലയിൽ വലിയ രീതിയിലുള്ള സ്വർണ്ണക്കൊള്ള നടന്നിട്ടുണ്ടെന്ന കാര്യത്തിൽ സ്ഥിരീകരണം നൽകുന്ന റിപ്പോർട്ടാണ് ഇത്.

നി​ശ്ചി​ത അ​ള​വ് സ്വ​ർ​ണ ക​ഷ​ണം വെ​ട്ടി​യെ​ടു​ത്താ​യി​രു​ന്നു പ​രി​ശോ​ധ​ന ന​ട​ത്തി​യ​ത്. എ​ഡി​ജി​പി എ​ച്ച് വെ​ങ്കി​ടേ​ഷാ​ണ് റി​പ്പോ​ർ​ട്ട് കോ​ട​തി​ക്ക് ന​ൽ​കു​ന്ന​ത്. ക​ഴി​ഞ്ഞ ദി​വ​സ​മാ​ണ് വി​എ​സ്‌‌‌​എ​സ്‌‌‌‌​സി​യി​ൽ നി​ന്നു ശാ​സ്ത്രീ​യ പ​രി​ശോ​ധ​നാ​ഫ​ലം സീ​ൽ വ​ച്ച ക​വ​റി​ൽ കൊ​ല്ലം വി​ജി​ല​ൻ​സ് കോ​ട​തി​യി​ൽ ന​ൽ​കി​യ​ത്. ദ്വാരപാലക ശിൽപ്പം, കട്ടിളപാളി തുടങ്ങിയ 15 സാമ്പിളുകളുടെ പരിശോധനഫലമാണിത്. ചെമ്പു പാളികളിലെ സ്വർണത്തിന്റെ അളവും കാലപ്പഴക്കവും തിട്ടപ്പെടുത്തുന്ന റിപ്പോർട്ട്‌ ആണിത്.
SUMMARY: Sabarimala. The result of the scientific test confirmed that there is less gold in the sculptures of Kattlapali and Dwarapalaka.