ബെംഗളൂരു: ബെംഗളൂരുവിലെ രണ്ടാമത് വിമാനത്താവളത്തിന്റെ നിർമാണത്തിനായി ഏഴ് സ്ഥലങ്ങൾ പരിഗണനയിൽ ഉള്ളതായി ഉപമുഖ്യമന്ത്രി ഡി. കെ. ശിവകുമാർ പറഞ്ഞു. രണ്ടാം വിമാനത്താവള പദ്ധതിക്കായുള്ള നടപടിക്രമങ്ങൾ കർണാടക സർക്കാർ വേഗത്തിലാക്കിയിട്ടുണ്ട്. ബെംഗളൂരുവിൽ നിന്ന് 50 മുതൽ 60 കിലോമീറ്റർ വരെ മാറി സ്ഥിതിചെയ്യുന്ന ഹറോഹള്ളി, ദാബസ്പേട്ട് ഉൾപ്പെടെ ഏഴിടങ്ങളാണ് രണ്ടാം വിമാനത്താവളത്തിനായി സർക്കാർ കണ്ടെത്തിയിരിക്കുന്നത്.
ഉപമുഖ്യമന്ത്രി ഡി.കെ. ശിവകുമാർ, അടിസ്ഥാന വികസന വകുപ്പ് മന്ത്രി എം.ബി. പാട്ടീൽ എന്നിവരുടെ അധ്യക്ഷതയിൽ ചേ‍ർന്ന യോഗത്തിൽ ഈ സ്ഥലങ്ങൾ സംബന്ധിച്ച് വിലയിരുത്തൽ നടത്തി. എയ‍ർപോർട്ട് അതോറിറ്റി ഓഫ് ഇന്ത്യയിൽ നിന്ന് അതിവേഗം തന്നെ അനുമതി നേടാനുള്ള ശ്രമങ്ങളാണ് സംസ്ഥാന സർക്കാർ നടത്തുന്നത്. ഹറോഹള്ളി, ദാബസ്പേട്ട് എന്നിവിടങ്ങൾക്ക് പുറമേ തുമകൂരു, കൊരട്ടഗെരെ, കുണിഗൽ, ഹുലിയൂരുദുർഗ, മാലവള്ളി എന്നീ സ്ഥലങ്ങളാണ് ചുരുക്കപ്പട്ടികയിലുള്ളത്.
ഇൻഫ്രാസ്ട്രക്ച‍‌‌ർ ഡെവലപ്മെൻ്റ് കോർപറേഷൻ കർണാടക ലിമിറ്റഡ് നടത്തിയ പഠനത്തിന് ശേഷമാണ് ഏഴ് സ്ഥലങ്ങൾ ഉൾപ്പെടുത്തി ചുരുക്കപ്പട്ടിക തയ്യാറാക്കിയത്. വിമാനത്താവളത്തിനായി തിരഞ്ഞെടുത്ത ഏഴ് സ്ഥലങ്ങളെക്കുറിച്ച് വിശദമാക്കി എയ‍ർപോർട്ട് അതോറിറ്റി ഓഫ് ഇന്ത്യയ്ക്ക് അപേക്ഷ സമർപ്പിക്കുമെന്ന് മന്ത്രി എം.ബി. പാട്ടീൽ പറഞ്ഞു. ഇതിന് ശേഷം എയ‍ർപോർട്ട് അതോറിറ്റി ഓഫ് ഇന്ത്യ സ്ഥലങ്ങൾ സന്ദ‍ർശിച്ച് സാധ്യതാ പഠനം നടത്തുമെന്നും മന്ത്രി വ്യക്തമാക്കി.
TAGS: BENGALURU | AIRPORT
SUMMARY: Seven places listed out for secomd airport in bangalore
മലപ്പുറം: എല്‍ഡിഎഫ് ഭരണത്തിന്റെ വിലയിരുത്തലാണ് ഈ തിരഞ്ഞെടുപ്പ് ഫലമെന്ന് കരുതുന്നില്ലെന്ന് എം.സ്വരാജ്. എല്‍ഡിഎഫ് ഉയര്‍ത്തിയ വിഷയങ്ങളില്‍ ജനങ്ങള്‍ക്ക് തെറ്റിദ്ധാരണ ഉണ്ടായിട്ടുണ്ടോ…
അഹമ്മദാബാദ്: അഹമ്മദാബാദ് വിമാന ദുരന്തത്തില്‍ മരിച്ച മലയാളി നേഴ്‌സ് രഞ്ജിതയുടെ മൃതദേഹം തിരിച്ചറിഞ്ഞു. മൃതദേഹം നാളെ നാട്ടിലെത്തിച്ചേക്കും. തിരിച്ചറിയാനായി രഞ്ജിതയുടെ…
മലപ്പുറം: സ്വകാര്യ ഹോട്ടല്‍ മുറിയില്‍ നിന്ന് താഴേക്ക് വീണ് യുവാവ് മരിച്ചു. കോഴിക്കോട് പെരുവണ്ണാമൂഴി സ്വദേശി അജയ് കുമാര്‍ (23)…
മലപ്പുറം: നിലമ്പൂർ ഉപതിരഞ്ഞെടുപ്പില്‍ കോണ്‍ഗ്രസ് സ്ഥാനാർഥി ആര്യാടൻ ഷൗക്കത്ത് 11,000 ത്തിലധികം ഭൂരിപക്ഷം നേടിയാണ് വിജയക്കൊടി പാറിച്ചത്. യുഡിഎഫിന്റെ വിജയ…
തിരുവനന്തപുരം: മുൻ മുഖ്യമന്ത്രിയും മുതിര്‍ന്ന സിപിഎം നേതാവുമായ വിഎസ് അച്യുതാനന്ദനെ ആശുപത്രിയില്‍ പ്രവേശിപ്പിച്ചു. ഹൃദയാഘാതത്തെ തുടർന്ന് ഇന്ന് രാവിലെയാണ് ആശുപത്രിയിലെത്തിച്ചത്.…
നിലമ്പൂര്‍: നിലമ്പൂര്‍ ഉപതിരഞ്ഞെടുപ്പില യു.ഡി.എഫ് സ്ഥാനാർഥി ആര്യാടൻ ഷൗക്കത്തിന് വിജയം. 10,792 വോട്ടിന്‍റെ ഭൂരിപക്ഷത്തിലാണ് ആര്യാടൻ ഷൗക്കത്ത് എൽ.ഡി.എഫ് സ്ഥാനാർഥി…