ദോഹ: ഖത്തറില് ഹെലികോപ്റ്റർ തകർന്നുവിണുണ്ടായ അപകടത്തില് ആറ് പേർ മരിച്ചു. ഹെലികോപ്റ്ററില് ഉണ്ടായിരുന്ന ഏഴുപേരില് ആറു പേരുടെ മൃതദേഹങ്ങള് തെരച്ചിലില് കണ്ടെത്തി. ആറു പേരുടെ മരണം ആഭ്യന്തര മന്ത്രാലയം വാർത്താ കുറിപ്പിലൂടെ സ്ഥിരീകരിക്കുകയായിരുന്നു.
വിവിധ സുരക്ഷാ വിഭാഗങ്ങള് സംയുക്തമായാണ് തെരച്ചില് നടത്തിയത്. കാണാതായ ഏഴാമത്തെ ആള്ക്ക് വേണ്ടി തെരച്ചില് തുടരുകയാണ്. ഖത്തറില് സൈനിക ഹെലികോപ്റ്റർ കടലില് തകർന്നുവീഴുകയായിരുന്നു. സാങ്കേതിക കാരണം മൂലമാണ് അപകടമെന്നാണ് വിശദീകരണം. ഖത്തറിലെ പ്രതിരോധമന്ത്രാലയവും ആഭ്യന്ത്ര മന്ത്രാലയവും ഇക്കാര്യം സ്ഥിരീകരിച്ചിരുന്നു.
SUMMARY: Six dead in military helicopter crash in Qatar
