പത്തനംതിട്ട: ഭൂഉടമകള്ക്ക് ഭൂമിയുമായി ബന്ധപ്പെട്ട വിശദാംശങ്ങള് ഉള്ക്കൊള്ളുന്ന ഡിജിറ്റല് പ്രോപ്പര്ട്ടി സ്മാര്ട്ട് കാര്ഡ് ഉടന് നല്കുമെന്ന് മന്ത്രി കെ രാജന്. പത്തനംതിട്ട ജില്ലയിലെ നിര്മാണം പൂര്ത്തിയായ സ്മാര്ട്ട് വില്ലേജ് ഓഫീസുകള് ഉദ്ഘാടനം ചെയ്യുകയായിരുന്നു മന്ത്രി.
ഡിജിറ്റല് റീസര്വേയിലൂടെ രണ്ടുവര്ഷത്തില് കേരളത്തിന്റെ മൂന്നിലൊന്ന് ഭൂമി അളന്ന് തിട്ടപ്പെടുത്തി. രജിസ്ട്രേഷന് വകുപ്പിന്റെ പേള്, റവന്യൂ വകുപ്പിന്റെ റിലീസ്, സര്വേ വകുപ്പിന്റെ ഇ മാപ്പ് പോര്ട്ടലുകള് കോര്ത്തിണക്കിയ എന്റെ ഭൂമി പോര്ട്ടല് സംവിധാനം ഭൂമി ക്രയവിക്രയം എളുപ്പമാക്കി. നാലുലക്ഷത്തിലധികം പട്ടയങ്ങള് നല്കി ഭൂരഹിതരില്ലാത്ത കേരളം എന്ന നേട്ടത്തിനരികിലാണ് സംസ്ഥാനം. 632 വില്ലേജുകളെ സ്മാര്ട്ട് ആക്കിയതായും നാനൂറോളം വില്ലേജ് ഓഫീസുകള് പുനര്നിര്മിച്ചതായും മന്ത്രി പറഞ്ഞു.
SUMMARY: Smart card will be issued as land ownership document – Minister K Rajan
