ബെംഗളൂരു : മുൻ എം.എൽ.എ.യും ഗതാഗതമന്ത്രി രാമലിംഗ റെഡ്ഡിയുടെ മകളുമായ സൗമ്യാ റെഡ്ഡിയെ കർണാടക മഹിളാ കോൺഗ്രസ് പ്രസിഡന്റായി എ.ഐ.സി.സി. നിയമിച്ചു. 2018 നവംബർ മുതൽ പ്രസിഡന്റായിരുന്ന പുഷ്പാ അമർനാഥ് സ്ഥാനമൊഴിയുന്നതിനാലാണ് സൗമ്യാ റെഡ്ഡിയെ നിയമിച്ചത്. സൗമ്യാ റെഡ്ഡിയെ അധ്യക്ഷയായി നിയമിക്കുക വഴി അടുത്ത് നടക്കാനിരിക്കുന്ന ബിബിഎംപി തിരഞ്ഞെടുപ്പില്‍ ബെംഗളൂരുവിലെ വോട്ടർമാരിൽ പകുതിയോളം വരുന്ന സ്ത്രീ വോട്ടർമാരുടെ പിന്തുണ അനുകൂലമാക്കാം എന്നാണ് കോണ്‍ഗ്രസ് നേതൃത്വം ലക്ഷ്യമിടുന്നത്.
ആർവി കോളേജ് ഓഫ് എഞ്ചിനീയറിംഗിൽ നിന്ന് ബിഇ (കെമിക്കൽ എഞ്ചിനീയറിംഗ്) ബിരുദപഠനത്തിന് ശേഷം ന്യൂയോർക്ക് ഇൻസ്റ്റിറ്റ്യൂട്ട് ഓഫ് ടെക്നോളജിയിൽ നിന്ന് എംഎസ് (എൻവയോൺമെൻ്റൽ ടെക്നോളജി) പഠനം പൂര്‍ത്തിയാക്കിയിട്ടുണ്ട്. 2023 ലെ നിയമസഭാ തിരഞ്ഞെടുപ്പിൽ ജയനഗർ മണ്ഡലത്തില്‍ നിന്നും, 2024ലെ ലോക്‌സഭാ തിരഞ്ഞെടുപ്പിൽ ബെംഗളൂരു സൗത്ത് മണ്ഡലത്തില്‍ നിന്നും മത്സരിച്ചെങ്കിലും പരാജയപ്പെട്ടിരുന്നു.
<BR>
TAGS : CONGRESS | SOUMYA REDDY
SUMMARY : Soumya Reddy is the president of the Karnataka Mahila Congress
