ബെംഗളൂരു: വ്യാജവാർത്തകൾ പ്രചരിപ്പിക്കുന്നവർക്കെതിരെ നിയമനടപടി ശക്തമാക്കുമെന്ന് മുഖ്യമന്ത്രി സിദ്ധരാമയ്യ. വ്യാജവാർത്തകൾ സൃഷ്ടിച്ച നാശനഷ്ടങ്ങൾ ധാരാളമാണ്. ഇതുമായി ബന്ധപ്പെട്ട് ബെംഗളൂരു സിറ്റി പോലീസ് സ്റ്റേഷനിൽ മാത്രം മൂന്ന് വർഷത്തിനിടെ നൂറിലധികം അപകീർത്തികേസുകൾ രജിസ്റ്റർ ചെയ്തിട്ടുണ്ട്. വ്യാജവാർത്തകൾ പ്രചരിക്കുന്നവരെ കണ്ടെത്താൻ സൈബർ ക്രൈം പോലീസ് പ്രത്യേക ടീം രൂപീകരിച്ചിട്ടുണ്ട്.
ഇത്തരം കേസുകളിൽ പിടിയിലാകുന്നവർക്ക് തക്കതായ ശിക്ഷ നൽകാൻ നിയമഭേദഗതി വരുത്തുമെന്നും മുഖ്യമന്ത്രി പറഞ്ഞു. വ്യാജവാർത്തകൾ പ്രചരിക്കുന്നത് തടയാൻ സർക്കാർ എല്ലാ ജില്ലകളിലും പ്രത്യേക വസ്തുതാ പരിശോധനാ യൂണിറ്റുകൾ രൂപീകരിച്ചിട്ടുണ്ടെന്നും മുഖ്യമന്ത്രി പറഞ്ഞു. ആവിഷ്കാര സ്വാതന്ത്ര്യം ഭരണഘടന നൽകുന്ന അവകാശമാണ്. എന്നാൽ തെറ്റായ വിവരം മറ്റുള്ളവർക്ക് നൽകാൻ ആർക്കും അവകാശമില്ല. നിരവധി രാഷ്ട്രീയ നേതാക്കൾ ഇത്തരം വ്യാജവാർത്തകൾക്ക് ഇരയായിട്ടുണ്ട്. ഈ വർഷം അവസാനത്തോടെ ഇതിനൊരു ശാശ്വത പരിഹാരം കാണുമെന്നും മുഖ്യമന്ത്രി വ്യക്തമാക്കി.
TAGS: KARNATAKA | FAKE NEWS
SUMMARY: Strict Actions to be taken against those who spread fake news
