ബെംഗളൂരു: സുവർണ കർണാടക കേരളസമാജം ചിക്കബാനവാര – അബ്ബിഗരെ സംഘടിപ്പിച്ച പുതുവത്സരാഘോഷം ‘സുവർണ്ണ ധ്വനി’ ചിക്കബാനവാര കെംപാപുര റോഡിലെ അക്ഷര ബാങ്ക്വറ്റ് ആന്റ് ലോൺസില് വിവിധ പരിപാടികളോടെ നടന്നു. സംഘടനയുടെ ‘അശരണർക്ക് ആശ്രയം’ പദ്ധതിയുടെ ഉദ്ഘാടനം, ജീവകാരുണ്യ പ്രവർത്തനങ്ങളുടെ ഭാഗമായി വീൽചെയറുകൾ, ടൂവീലർ എന്നിവയുടെ വിതരണം, പഠനത്തിൽ ഉന്നതവിജയം നേടിയ കുട്ടികളെ ആദരിക്കൽ, സാംസ്കാരിക സമ്മേളനം, വിവിധ കലാപരിപാടികൾ, ശിങ്കാരിമേളം എന്നിവ പുതുവത്സരാഘോഷത്തിൻ്റെ ഭാഗമായി നടന്നു. പ്രശസ്ത പിന്നണി ഗായകൻ അൻവർ സാദത്തിൻ്റെ നേതൃത്വത്തിൽ ഓർക്കസ്ട്രയും, മണിക്കുട്ടൻ മായ ടീമിൻ്റെ കോമഡി ഷോയും അരങ്ങേറി.
ചെയർമാൻ വിജേഷ് ബാലകൃഷ്ണൻ അധ്യക്ഷത വഹിച്ചു. ‘അശരണർക്ക് ആശ്രയം” പദ്ധതിയുടെ ഉദ്ദേശ ലക്ഷ്യങ്ങളെ കുറിച്ച് ചെയർമാൻ വിജേഷ് ബാലകൃഷ്ണൻ വിശദീകരിച്ചു. പ്രശസ്ത ചലച്ചിത്ര താരം രജീഷ വിജയൻ മുഖ്യാതിഥിയായി. മഞ്ജുള മുനിരാജു, മുൻ കോർപ്പറേറ്റർ കെ.നാഗഭൂഷന്, എസ്കെകെഎസ് സംസ്ഥാന പ്രസിഡണ്ട് എസ്.രാജേന്ദ്രൻ, സ്ഥാപക പ്രസിഡണ്ട് രാജൻ ജേക്കബ്, ജില്ലാ പ്രസിഡണ്ട് സന്തോഷ് തൈക്കാട്ടിൽ, സെക്രട്ടറി കെ എസ് മഞ്ജുനാഥ്, കൺവീനർ സജീഷ് കുമാർ വി കെ, ഫിനാൻസ് കൺവീനർ വാസുദേവൻ പി, മുൻ പഞ്ചായത്ത് മെമ്പർ സി.രവികുമാർ, വനിതാ വിഭാഗം ചെയർപേഴ്സൺ വിനീത മനോജ്, വനിതാ വിഭാഗം കൺവീനർ ശാലിനി, ഫിനാൻസ് കൺവീനർ ജയ തിലകൻ, യുവജന വിഭാഗം ചെയർമാൻ സുമിത് നാരായൺ എന്നിവർ പങ്കെടുത്തു.
ചിത്രങ്ങള് 🟥
SUMMARY: Suvarna Karnataka Kerala Samajam Chikkabanavara Abbigare New Year Celebration – Abbigare
