ലാൻഡിംഗിനിടെ സാങ്കേതിക തകരാര്‍; വിമാനത്തിന്റെ മുൻചക്രം ഊരിത്തെറിച്ചു

ഫ്ലോറിഡ: ലാൻഡ് ചെയ്യുന്നതിനിടെ സാങ്കേതിക തകരാറുണ്ടായതിനെ തുടർന്ന് യുണൈറ്റഡ് എയർലൈൻ വിമാനത്തിന്റെ മുൻചക്രം ഊരിത്തെറിച്ചു. വലിയ അപകടത്തില്‍ നിന്ന് തലനാരിഴയ്‌ക്കാണ് യാത്രക്കാരും ജീവനക്കാരും രക്ഷപ്പെട്ടത്. സംഭവത്തില്‍ ആർക്കും പരുക്കുകളില്ല. ഫ്ലോറിഡയിലെ ഓർലാന്റോ അന്താരാഷ്‌ട്ര വിമാനത്താവളത്തിലാണ് സംഭവം.

ചിക്കാഗോയിലെ ഒ’ഹെയർ അന്താരാഷ്‌ട്ര വിമാനത്താവളത്തില്‍ നിന്ന് ഓർലാന്റോയിലേ്ക്കെത്തിയ എയർബസ് 321 വിമാനത്തിനാണ് സാങ്കേതിക തകരാർ നേരിട്ടത്. വിമാനത്തില്‍ 200 യാത്രക്കാരും ആറു ജീവനക്കാരും ഉണ്ടായിരുന്നു.സുരക്ഷാ നടപടികളുടെ ഭാഗമായി യാത്രക്കാരെയെല്ലാം ഉടൻ തന്നെ വിമാനത്തില്‍ നിന്ന് ഒഴിപ്പിച്ചു. സംഭവത്തില്‍ ആർക്കും പരുക്കുകളില്ല.

SUMMARY: Technical failure during landing; aircraft’s front wheel detached