ജാതി സെന്സസ് നടപ്പിലാക്കാനുള്ള ഉത്തരവിറക്കി തെലങ്കാന സര്ക്കാര്. ഇതോടെ ജാതി സെന്സസ് നടത്തുന്ന രാജ്യത്തെ മൂന്നാമത്തെ സംസ്ഥാനമായി തെലങ്കാന മാറി. ആന്ധ്രപ്രദേശും ബിഹാറുമാണ് നേരത്തെ ജാതി സെന്സസ് ആരംഭിച്ച സംസ്ഥാനങ്ങള്.
വീടുകള്തോറും കയറിയുള്ള സെന്സസാണ് നടത്തേണ്ടതെന്ന് ചീഫ് സെക്രട്ടറി ശാന്തി കുമാരി വെള്ളിയാഴ്ച പുറത്തിറക്കിയ ഉത്തരവില് നിർദേശിച്ചു. അറുപത് ദിവസങ്ങള് കൊണ്ട് സെന്സസ് പൂര്ത്തിയാക്കാനാണ് നിര്ദേശം. സര്വേ നടപ്പിലാക്കാനുള്ള നോഡല് ഏജന്സിയായി സംസ്ഥാന ആസൂത്രണ വകുപ്പിനെയാണ് ചുമതലപ്പെടുത്തിയിരിക്കുന്നത്.
വിവിധ തലങ്ങളില് ജനസംഖ്യാനുപാതികമായി സംവരണം ഉറപ്പുവരുത്താനും പിന്നാക്ക വിഭാഗങ്ങളുടെ ക്ഷേമം ഉറപ്പുവരുത്താനുമാണ് സെന്സസ് നടപ്പിലാക്കുന്നതെന്നും ഉത്തരവില് പറയുന്നു. ഇതോടെ നിയമസഭാ തിരഞ്ഞെടുപ്പ് കാലത്ത് കോണ്ഗ്രസ് നല്കിയ വാഗ്ദാനമാണ് നടപ്പിലാക്കുന്നത്.
TAGS : THELUNKANA | CASTE CENSUS
SUMMARY : Telangana to implement caste census; The government issued an order
WhatsApp
Telegram
