ആഘോഷ ലഹരിയില്‍ പുതുവർഷത്തെ വരവേറ്റ് ലോകം

പ്രതീക്ഷകളോടെ പുതുവര്‍ഷത്തെ വരവേറ്റ് ലോകം. 2025 ആദ്യം പിറന്നത് പസഫിക് തീരത്തെ ദ്വീപ്  യ കിരിബാത്തിയിലാണ്. പിന്നാലെ ന്യൂസീലന്‍ഡിലും പുതുവര്‍ഷത്തെ വരവേറ്റു. കിഴക്കന്‍ മേഖലയിലെ ഓക‌്ലന്‍ഡ് നഗരം ദീപാലങ്കാരങ്ങളും കരിമരുന്ന് പ്രകടനങ്ങളുമായാണ് ഇവിടെ പുതുവര്‍ഷപ്പിറവി ആഘോഷിച്ചത്. വര്‍ണശബളമായ കരിമരുന്ന് പ്രകടനത്തോടെ ഓസ്ട്രേലിയലിലെ  സിഡ്നിയും പുതുവര്‍ഷത്തെ എതിരേറ്റു.  സിഡ്നിയിലെ വിശ്വവിഖ്യാതമായ ഹാര്‍ബര്‍ ബ്രിഡ്ജിന്റെയും ഒപ്പേറ ഹൗസിന്റെയും പശ്ചാത്തലത്തിലായിരുന്നു നവവല്‍സരാഘോഷങ്ങള്‍. പിന്നാലെ ജപ്പാന്‍,  തായ്‌വന്‍ തായ്‍ലന്‍ഡ് , ചൈന  എന്നീ രാജ്യങ്ങളും പുതുവര്‍ഷത്തെ വരവേറ്റു.

ഇന്ത്യ, ശ്രീലങ്ക അടക്കമുള്ള രാജ്യങ്ങളും പുതുവത്സരം ആഘോഷിച്ചു. ഇന്ത്യയിലും വിവിധ നഗരങ്ങളില്‍ ജനങ്ങള്‍ ആഘോഷവുമായി തെരുവിലിറങ്ങി. ഡല്‍ഹി, ചെന്നൈ, ബെംഗളൂരു , നഗരങ്ങളില്‍ പ്രത്യേക പരിപാടികള്‍ സംഘടിപ്പിക്കപ്പെട്ടു. ബെംഗളൂരു, മൈസൂരു, മംഗളൂരു, ബെളഗാവി അടക്കമുള്ള കർണാടകയിലെ വിവിധ നഗരങ്ങളിലും പുതുവർഷാഘോഷ പരിപാടികൾ സംഘടിപ്പിച്ചിരുന്നു. ബെംഗളൂരുവിൽ എം.ജി. റോഡ്, ചർച്ച് സ്ട്രീറ്റ്, ബ്രിഗേഡ് റോഡ് പരിസരങ്ങളിൽ കനത്ത തിരക്കനുഭവപ്പെട്ടു

കേരളത്തിലും ന്യൂഇയര്‍ ആഘോഷം പൊടിപൊടിച്ചു. കൊച്ചിയില്‍ ഗാലാ ഡി ഫോര്‍ട്ട്‌കൊച്ചിയുടെ നേതൃത്വത്തില്‍ വെളി മൈതാനത്ത് സ്ഥാപിച്ച 42 അടി ഉയരമുള്ള പപ്പാഞ്ഞിയെ കത്തിച്ചു. ഫോര്‍ട്ട് കൊച്ചിയിലേക്ക് വന്‍ജനമാണ് ഒഴുകിയെത്തിയത്. കൊച്ചിക്ക് പുറമേ കോഴിക്കോട്, തിരുവനന്തപുരം, കൊല്ലം, കോട്ടയം, തൃശൂര്‍,  അടക്കമുള്ളയിടങ്ങളില്‍ നിരത്തുകളില്‍ വലിയ തിരക്കാണ് അനുഭവപ്പെട്ടത്.

<BR>
TAGS : NEW YEAR EVE
SUMMARY : The world welcomes the New Year in a festive mood