ബെംഗളൂരു: ഉഡുപ്പിയില് ജ്വല്ലറി വർക്ക്ഷോപ്പിൽ നിന്ന് ലക്ഷക്കണക്കിന് രൂപയുടെ സ്വർണം കവർന്നു. ചിത്തരഞ്ജൻ സർക്കിളിന് സമീപമുള്ള ‘വൈഭവ് റിഫൈനർ’ എന്ന സ്വർണ്ണ, വെള്ളി ശുദ്ധീകരണ യൂണിറ്റിലാണ് സംഭവം. കള്ള താക്കോലുകൾ ഉപയോഗിച്ച് കടയിൽ കയറിയ മോഷ്ടാക്കള് പിന്നീട് ഡ്രോയർ തുറന്ന് ഏകദേശം 600 ഗ്രാം സ്വർണ്ണക്കട്ടികൾ, സ്വർണ്ണ ദ്രാവകം, മറ്റ് വിലപിടിപ്പുള്ള വസ്തുക്കൾ എന്നിവ കൊള്ളയടിക്കുകയായിരുന്നു.
65,96,000 രൂപ വിലമതിക്കുന്ന ഏകദേശം 680 ഗ്രാം സ്വർണ്ണം, 22,00,000 രൂപ വിലമതിക്കുന്ന ഏകദേശം 200 ഗ്രാം ശുദ്ധീകരിച്ച സ്വർണ്ണം, 6,25,000 രൂപ വിലമതിക്കുന്ന ചെറിയ ബാറുകളിലായി ഏകദേശം 5 കിലോഗ്രാം ശുദ്ധീകരിച്ച വെള്ളി, 1,50,000 രൂപ വിലമതിക്കുന്ന പണം എന്നിവ അടക്കം. മൊത്തം 95,71,000 രൂപയുടെ വസ്തുക്കളാണ് കവര്ന്നത്.
മോഷണത്തിൽ കടയിലെ മുൻ ജീവനക്കാരുടെ പങ്കുണ്ടെന്ന് പോലീസ് സംശയിക്കുന്നു.ഉഡുപ്പി ഡിവൈഎസ്പി പ്രഭു ഡിടി, ഉഡുപ്പി ടൗൺ പോലീസ് ഇൻസ്പെക്ടർ മഞ്ജുനാഥ് എന്നിവർ സ്ഥലത്തെത്തി പരിശോധന നടത്തി. കൂടുതൽ അന്വേഷണം നടന്നുവരികയാണ്.
SUMMARY: Theft at jewellery workshop; gold worth lakhs of rupees stolen
