തിരുവനന്തപുരം: തൊണ്ടിമുതല് കേസില് മൂന്ന് വര്ഷത്തെ തടവ് ശിക്ഷ റദ്ദാക്കണമെന്ന് ആവശ്യപ്പെട്ട് മുന്മന്ത്രി ആന്റണി രാജു നല്കിയ അപ്പീല് തിരുവനന്തപുരം പ്രിന്സിപ്പില് സെഷൻസ് കോടതി ഫയലില് സ്വീകരിച്ചു. അടുത്ത മാസം രണ്ടിന് വാദം കേള്ക്കും. നെടുമങ്ങാട് ജുഡീഷ്യല് ഫസ്റ്റ് ക്ലാസ് മജിസ്ട്രേറ്റ് കോടതിയാണ് ആന്റണി രാജുവിന് 3 വർഷം തടവുശിക്ഷയും പതിനായിരം രൂപ പിഴയും വിധിച്ചത്.
തൊണ്ടിമുതലായ അടിവസ്ത്രത്തില് തിരിമറി നടത്തി ലഹരിമരുന്ന കേസിലെ പ്രതിയെ ശിക്ഷയില് നിന്ന് രക്ഷപ്പെടാൻ അവസരമൊരുക്കി എന്ന കേസിലാണ് കോടതി ശിക്ഷ വിധിച്ചത്. ഇതോടെ ആന്റണി രാജുവിനെ എംഎല്എ സ്ഥാനത്ത് നിന്ന് അയോഗ്യനാക്കി നിയമസഭാ സെക്രട്ടേറിയറ്റ് വിജ്ഞാപനം ഇറക്കി.
ഈ ശിക്ഷ റദ്ദാക്കണം എന്ന് ആവശ്യപ്പെട്ടാണ് ഹർജി. കേസില് രണ്ടാം പ്രതിയാണ് ആന്റണി രാജു. ഒന്നാം പ്രതിയും കോടതി ജീവനക്കാരനുമായിരുന്ന ജോസിനും മൂന്ന് വർഷം തടവ് ശിക്ഷ വിധിച്ചു. ശിക്ഷ ഏഴ് വർഷത്തില് താഴെ ആയതുകൊണ്ട് അപ്പീലില് വിധി വരുന്നത് വരെ പ്രതികള്ക്ക് മജിസ്ട്രേറ്റ് കോടതി നേരത്തെ ജാമ്യം അനുവദിച്ചിരുന്നു.
SUMMARY: Thondimuthal diversion case; Court accepts Antony Raju’s appeal on file
WhatsApp
Telegram
