ബെംഗളൂരു: അനധികൃത ലിംഗനിർണായവും പെൺഭ്രൂണഹത്യയുമായി ബന്ധപ്പെട്ട് സ്വകാര്യ ആശുപത്രി ജീവനക്കാരായ മൂന്ന് പേർ പിടിയിൽ. മാണ്ഡ്യ ബന്നൂർ സ്വദേശി രാമകൃഷ്ണ, ഗുരു, മൈസൂരു സ്വദേശി സോമശേഖർ എന്നിവരാണ് അറസ്റ്റിലായത്.
കേസുമായി ബന്ധപ്പെട്ട് 12 ഓളം നേരത്തെ പിടിയിലായിരുന്നു. ഇവരെ ചോദ്യം ചെയ്തതോടെയാണ് മറ്റ്‌ മൂന്ന് പേരെ കൂടി പിടികൂടാനായത്. ആറ് പേർ കൂടി കേസിൽ ഉൾപ്പെട്ടിട്ടുണ്ടെന്നും ഇവർ ഒളിവിലാണെന്നും മാണ്ഡ്യ പോലീസ് പറഞ്ഞു.
അറസ്റ്റിലായവരിൽ നിന്ന് രണ്ട് സ്കാനിംഗ് മെഷീനുകളും ഒരു കാറും പിടിച്ചെടുത്തിട്ടുണ്ട്. മേലുകോട് നഞ്ചൻഗുഡ്, പാണ്ഡവപുര, ബെള്ളൂർ പോലീസ് സ്റ്റേഷനുകളിൽ രജിസ്റ്റർ ചെയ്ത കേസുമായി ബന്ധപ്പെട്ടാണ് ഇവരുടെ അറസ്റ്റ്. 25000 രൂപ മുതൽ ഒരു ലക്ഷം രൂപ വരെ ആളുകളിൽ നിന്ന് വാങ്ങി ഭ്രൂണഹത്യയും ലിംഗനിർണയവും നടത്തിയിരുന്ന റാക്കറ്റിലെ അംഗങ്ങളാണ് പിടിയിലായിരിക്കുന്നത്. സംഭവത്തിൽ മാണ്ഡ്യ പോലീസ് അന്വേഷണം ഊർജിതമാക്കി.
TAGS: KARNATAKA | ARREST
SUMMARY: Mandya police arrest 3 in connection with female foeticide
