ബെംഗളൂരു: നിയന്ത്രണം വിട്ട കാർ മരത്തിലിടിച്ചുണ്ടായ അപകടത്തിൽ മൂന്ന് പേർ മരിച്ചു. വിജയപുര ഉക്കാലി ഗ്രാമത്തിനടുത്തുള്ള ഹെഗാഡിഹാൾ ക്രോസിന് സമീപം തിങ്കളാഴ്ചയാണ് അപകടം നടന്നത്. ഭീരപ്പ ഗോഡേക്കർ (26), ഹനമന്ത കദ്‌ലിമാട്ടി (32), യമനപ്പ നടിക്കാർ (19) എന്നിവരാണ് മരിച്ചത്.
അപകടത്തിൽ ഉമേഷ് (30), മറ്റ്‌ രണ്ട് പേർക്ക് പരുക്കേറ്റു. ഇവരെ സമീപത്തെ ആശുപത്രിയിൽ പ്രവേശിപ്പിച്ചു. മരിച്ചവരെല്ലാം ഉത്‌നാൽ ഗ്രാമത്തിൽ നിന്നുള്ളവരാണ്. ഡ്രൈവർക്ക് നിയന്ത്രണം നഷ്ടപ്പെട്ടതാണ് അപകടത്തിന് കാരണമെന്ന് പോലീസ് പറഞ്ഞു. പരുക്കേറ്റവരിൽ ഒരാളുടെ നില ഗുരുതരമാണ്. സംഭവത്തിൽ വിജയപുര പോലീസ് കേസെടുത്തു.
TAGS: ACCIDENT
SUMMARY: Three dead, two injured as car crashes into tree
