ടെമ്പോ ട്രാവലറും ട്രക്കും കൂട്ടിയിടിച്ച് അപകടം; മൂന്ന് പേർ മരിച്ചു

ബെംഗളൂരു: ടെമ്പോ ട്രാവലറും ട്രക്കും കൂട്ടിയിടിച്ചുണ്ടായ അപകടത്തിൽ മൂന്ന് പേർ മരിച്ചു. തിങ്കളാഴ്ച പുലർച്ചെ ധാർവാഡ്-ഗോവ ഹൈവേയിൽ അൽനാവർ കടബാഗട്ടി ഗ്രാമത്തിന് സമീപമാണ് അപകടമുണ്ടായത്. ട്രക്കിലുണ്ടായിരുന്ന ഹനുമന്ത് മല്ലാട് (36), മഹന്തേഷ് ചവാൻ (35), മഹാദേവപ്പ ഹലോല്ലി (35) എന്നിവരാണ് മരിച്ചത്.

ടെമ്പോ ട്രാവലറിലെ യാത്രക്കാർ പരുക്കേറ്റ് ചികിത്സയിലാണ്. ഇവരിൽ രണ്ട് പേരുടെ നില അതീവഗുരുതരമാണ്. പുലർച്ചെ രണ്ട് മണിയോടെ സവദത്തിയിലെ സിരാസംഗിയിൽ നിന്ന് ഗോവയിലേക്ക് പോവുകയായിരുന്ന ട്രക്ക് വളവിൽ മറിഞ്ഞ് എതിരെ വന്ന ടെമ്പോ ട്രാവലറിൽ ഇടിക്കുകയായിരുന്നു. സംഭവത്തിൽ ധാർവാഡ് പോലീസ് കേസെടുത്തു.

TAGS: KARNATAKA | ACCIDENT
SUMMARY: TT-Canter truck collision claims three lives