കാർ മരത്തിലിടിച്ച് രണ്ട് ഡോക്ടർമാർ ഉൾപ്പെടെ മൂന്ന് പേർക്ക് ദാരുണാന്ത്യം

ബെംഗളൂരു: നിയന്ത്രണം വിട്ട കാർ മരത്തിലിടിച്ച് ബെള്ളാരി ഇൻസ്റ്റിറ്റ്യൂട്ട് ഓഫ് മെഡിക്കൽ സയൻസസ് (ബിംസ്) ആശുപത്രിയിലെ രണ്ട് ഡോക്ടർമാർ ഉൾപ്പെടെ മൂന്ന് പേർ മരിച്ചു. ആന്ധ്രാപ്രദേശിന് സമീപം വിടപനകലിൽ ഞായറാഴ്ചയാണ് അപകടം. ഡോ ഗോവിന്ദരാജു, ഡോ. യോഗേഷ്, അഭിഭാഷകൻ വെങ്കിട്ടനായിഡു (55) എന്നിവരാണ് മരിച്ചത്.

അപകടത്തിൽ മറ്റൊരു സ്വകാര്യ ആശുപത്രിയിലെ ഡോക്ടർ അമരഗൗഡ പാട്ടീലിന് ഗുരുതരമായി പരുക്കേറ്റു. സുഹൃത്തക്കളായ നാല് പേരും വിദേശയാത്ര കഴിഞ്ഞ് ബെള്ളാരിയിലേക്ക് മടങ്ങുന്നതിനിടെയാണ് സംഭവം.

ബെംഗളൂരുവിലെ കെംപെഗൗഡ അന്താരാഷ്ട്ര വിമാനത്താവളത്തിൽ നിന്ന് അനന്തപുർ റൂട്ട് വഴി ബെള്ളാരിയിലേക്ക് പോകുന്നതിനിടെയാണ് ഇവർ സഞ്ചരിച്ച കാർ അപകടത്തിൽപ്പെട്ടത്. ഡ്രൈവർ ഉറങ്ങിപ്പോയതാണ് അപകടകാരണമെന്നാണ് പോലീസിന്റെ പ്രാഥമിക നിഗമനം. സംഭവത്തിൽ ആന്ധ്രപ്രദേശ് പോലീസ് കേസെടുത്തു.

TAGS: KARNATAKA | ACCIDENT
SUMMARY: BIMS doctors, lawyer die on spot, one critical after car crashes into tree in Ballari