കടബാധ്യത; ഒരു കുടുംബത്തിലെ മൂന്ന് പേർ ജീവനൊടുക്കി

ബെംഗളൂരു: കടബാധ്യത കാരണം ഒരു കുടുംബത്തിലെ മൂന്ന് പേർ കനാലിൽ ചാടി ജീവനൊടുക്കി. ചന്നരായപട്ടണയിലെ കേരെ ബീഡിയിലാണ് സംഭവം. ബെംഗളൂരുവിൽ കാർ ഡ്രൈവറായി ജോലി ചെയ്യുന്ന ശ്രീനിവാസ് (43), സ്വകാര്യ സ്‌കൂളിലെ അധ്യാപികയായ ഭാര്യ ശ്വേത (36), ഇവരുടെ മകൾ ഏഴാം ക്ലാസ് വിദ്യാർഥിനി നാഗശ്രീ (13) എന്നിവരാണ് മരിച്ചത്. ശ്രീനിവാസ് വലിയ കടക്കെണിയിലായെന്നും തിരിച്ചടയ്ക്കാനാവാതെ വന്നപ്പോൾ ഇയാളും കുടുംബം ജീവിതം അവസാനിപ്പിക്കുകയായിരുന്നുവെന്നും ബന്ധുക്കൾ പോലീസിനോട് പറഞ്ഞു.

അടുത്തിടെ ജോലി ഉപേക്ഷിച്ച ശേഷം ശ്രീനിവാസ് ഓൺലൈൻ റമ്മി കളിക്കാറുണ്ടായിരുന്നു. ഇത് വഴി വലിയ കടങ്ങൾ കുമിഞ്ഞുകൂടിയിരുന്നു. ചൊവ്വാഴ്ച വീടുവിട്ടിറങ്ങിയ കുടുംബം തിരിച്ചെത്തിയിരുന്നില്ല. ശ്രീനിവാസിൻ്റെ മാതാപിതാക്കൾ ഇവരെ എല്ലായിടത്തും തിരയുകയും പിന്നീട് ചന്നരായപട്ടണ പോലീസിൽ പരാതി നൽകുകയും ചെയ്തു. തുടർന്നുള്ള അന്വേഷണത്തിൽ ഹേമാവതി കനാലിൽ നിന്നും ശ്രീനിവാസിൻ്റെയും ശ്വേതയുടെയും മൃതദേഹം കണ്ടെത്തിയെന്ന് പോലീസ് എസ്പി മുഹമ്മദ് സുജീത പറഞ്ഞു. പോലീസും ഫയർ ആൻഡ് എമർജൻസി സർവീസ് സേനാംഗങ്ങളും നാഗശ്രീക്കായി തിരച്ചിൽ തുടരുകയാണ്. നുഗ്ഗെഹള്ളി പോലീസ് സ്റ്റേഷനിൽ കേസ് രജിസ്റ്റർ ചെയ്തിട്ടുണ്ട്.

ആത്മഹത്യ ഒരു പ്രശ്നത്തിനും പരിഹാരമല്ല. നിങ്ങൾക്ക് എന്തെങ്കിലും തരത്തിലുള്ള വിഷമമുണ്ടെങ്കിൽ ദയവായി മാനസികാരോഗ്യ വിദഗ്ധരുടെ സഹായം തേടുക. 

Karnataka : Sahai (24-hour): 080 65000111, 080 65000222
Tamil Nadu : State health department’s suicide helpline: 104
Sneha Suicide Prevention Centre : 044-24640050 (listed as the sole suicide prevention helpline in Tamil Nadu)
Andhra Pradesh : Life Suicide Prevention: 78930 78930
Roshni : 9166202000, 9127848584
Kerala : Maithri: 0484 2540530, Chaithram: 0484 2361161(Both are 24-hour helpline numbers)
Telangana : State government’s suicide prevention (tollfree): 104, Roshni: 040 66202000, 6620200, SEVA: 09441778290, 040 27504682 (between 9 am and 7 pm)

TAGS: KARNATAKA | SUICIDE
SUMMARY: Burdened by debts, three of family end lives in Channarayapatna