ബെംഗളൂരു: പ്രമുഖ വിനോദസഞ്ചാരകേന്ദ്രമായ നന്ദിഹിൽസിൽ പുതുവത്സര രാവിൽ സഞ്ചാരികൾക്ക് പ്രവേശനം വിലക്കി. പുതുവർഷത്തലേന്ന് ഉച്ചയ്ക്കു 2 മണി മുതൽ ജനുവരി ഒന്നിനു രാവിലെ 10 വരെ വാഹനങ്ങൾ കടത്തിവിടില്ല. ചിക്കബല്ലാ പുര ജില്ലാ ഭരണകൂടമാണ് വിലക്കേർപ്പെടുത്തിയത്.
മലമുകളിലേക്ക് അനിയന്ത്രിതമായി വിനോദസഞ്ചാരികളെത്തുന്നത് ഒഴിവാക്കാനായാണിത്. അതേസമയം, നന്ദിഹിൽസിലെ ഗസ്റ്റ്ഹൗസിൽ മുൻകൂട്ടി ബുക്ക് ചെയ്തവരെ കടത്തിവിടുമെന്ന് ഡെപ്യൂട്ടി കമ്മിഷണർ ഇറക്കിയ ഉത്തരവിൽ പറഞ്ഞു. ഇവർ ബുക്ക് ചെയ്തതിന്റെ രേഖ കാണിക്കണം.
പതിവായി ആയിരക്കണക്കിന് ആളുകൾ എത്താറുണ്ടെങ്കിലും തിരക്കേറിയ ദിവസങ്ങളിൽ 25,000 സന്ദർശകരെങ്കിലും നന്ദി ഹിൽസിൽ എത്തിച്ചേരാറുണ്ട്. മലമുകളിൽനിന്ന് സൂര്യോദയത്തിന്റെ ദൃശ്യം കാണുന്നതിനായി പുലർച്ചെ മലയിലെത്തുന്നവരും ഒട്ടേറയാണ്.
SUMMARY: Tourists banned from Nandi Hills on New Year’s Eve
