തിരുവനന്തപുരം : തിരുവനന്തപുരം ഡിവിഷനിലെ വിവിധ സ്ഥലങ്ങളിൽ ട്രാക്ക് അറ്റകുറ്റപ്പണികളെ തുടര്ന്ന് ട്രെയിൻ സർവിസുകളിൽ നിയന്ത്രണം. നവംബർ മൂന്ന്, 10, 17 തീയതികളിൽ നിലമ്പൂർ റോഡിൽ നിന്ന് ആരംഭിക്കുന്ന നമ്പർ 16325 നിലമ്പൂർ റോഡ്-കോട്ടയം ഇൻറർസിറ്റി എക്സ്പ്രസ് യാത്ര ഏറ്റുമാനൂരിൽ അവസാനിപ്പിക്കും. ഈ ട്രെയിനിന്റെ സർവിസ് ഏറ്റുമാനൂരിനും കോട്ടയത്തിനും ഇടയിൽ റദ്ദാക്കും. നവംബർ 05, 12, 19 തീയതികളിൽ ഈ ട്രെയിൻ രാവിലെ 5.27 ന് ഏറ്റുമാനൂരിൽ നിന്നാകും നിലമ്പൂ൪ റോഡിലേക്ക് പുറപ്പെടുക.
നവംബർ 02, 04, 14, 16 തീയതികളിൽ മംഗളൂരു സെൻട്രലിൽ നിന്ന് ആരംഭിക്കുന്ന നമ്പർ 16348 മംഗളൂരു സെൻട്രൽ-തിരുവനന്തപുരം സെൻട്രൽ എക്സ്പ്രസ് യാത്ര 45 മിനിറ്റും നവംബർ 03, 10, 17 തീയതികളിൽ 35 മിനിറ്റ് വൈകി മാത്രമേ പുറപ്പെടൂ. നവംബർ 02, 14, 16 തീയതികളിൽ മധുര ജങ്ഷനിൽനിന്ന് ആരംഭിക്കുന്ന നമ്പർ 16344 മധുര ജങ്ഷൻ-തിരുവനന്തപുരം സെൻട്രൽ അമൃത എക്സ്പ്രസും 30 മിനിറ്റ് വൈകും.
<br>
TAGS : RAILWAY | TRAIN REGULATION
SUMMARY : Track maintenance; Regulation of train services
