ബെംഗളൂരു: ബെംഗളൂരു – മൈസൂരു എക്സ്പ്രസ് വേയിൽ അമിതവേഗത്തിൽ വാഹനമോടിച്ചതിന് 89,221 കേസുകൾ രജിസ്റ്റർ ചെയ്തിട്ടുണ്ടെന്ന് സിറ്റി ട്രാഫിക് പോലീസ് അറിയിച്ചു. ഓഗസ്റ്റ് ഒന്ന് മുതൽ വെള്ളിയാഴ്ച വരെയുള്ള കണക്കാണിത്. ദക്ഷിണേന്ത്യയിലെ ആദ്യത്തെ പൂർണ്ണ ആക്‌സസ് നിയന്ത്രിത എക്സ്പ്രസ് വേയാണിത്.
അമിതവേഗതയിൽ വരുന്ന വാഹനങ്ങൾ പിടികൂടാൻ മൈസൂരുവിലെ കണിമണികെ ടോൾ ഗേറ്റിൽ വിന്യസിക്കുമെന്ന് പോലീസ് ടീമിനെ വിന്യസിക്കും. എല്ലായിടത്തും സ്ഥാപിച്ചിട്ടുള്ള എഎൻപിആർ കാമറകൾ വഴിയാണ് നിയമലംഘകരെ കണ്ടെത്തുന്നത്. എന്നാൽ പലരും ഓൺലൈൻ വഴി പിഴ അടക്കുന്നില്ലെന്ന് ട്രാഫിക് പോലീസ് ചൂണ്ടിക്കാട്ടി.
89,221 പേരിൽ 5,300 പേർ മാത്രമാണ് ഇതുവരെ പിഴയടച്ചതെന്നും പോലീസ് വ്യക്തമാക്കി. അതേസമയം, എക്സ്പ്രസ് വേയിൽ മാരകമായ അപകട നിരക്ക് താരതമ്യേനെ കുറഞ്ഞിട്ടുണ്ട്. പാതയിലെ വേഗപരിധി വീണ്ടും പരിഷ്‌കരിക്കുമെന്ന് കർണാടക അഡീഷണൽ ഡയറക്ടർ ജനറൽ ഓഫ് പോലീസ് (എഡിജിപി) അലോക് കുമാർ പറഞ്ഞു.
സംസ്ഥാനത്ത് എവിടെയും 130 കിലോമീറ്ററിൽ കൂടുതൽ വേഗതയിൽ സഞ്ചരിക്കുന്ന യാത്രക്കാർക്കെതിരെ എഫ്ഐആർ ഫയൽ ചെയ്യുമെന്ന് സംസ്ഥാന പോലീസ് നേരത്തെ അറിയിച്ചിരുന്നു. അമിതവേഗത മൂലം അപകടങ്ങൾ വർധിച്ചതിന് പിന്നാലെയാണിത്. അടുത്തിടെ നൈസ് റോഡിൽ മൂന്ന് പേരുടെ മരണത്തിനിടയാക്കിയ അപകടം റോഡ് സുരക്ഷ സംബന്ധിച്ച സുപ്രീം കോടതി നിരീക്ഷണ സമിതി ഉയർത്തിക്കാട്ടുകയും അമിത വേഗത കാരണം സംസ്ഥാനത്ത് ഉണ്ടാകുന്ന ഉയർന്ന അപകടങ്ങളെക്കുറിച്ച് കർണാടക പോലീസിന് മുന്നറിയിപ്പ് നൽകുകയും ചെയ്തിരുന്നു.
2022-ൽ കർണാടകയിലെ മാരകമായ അപകടങ്ങളിൽ 90 ശതമാനവും അമിതവേഗതയാണ് കാരണമായത്. നിലവിൽ അപകടനിരക്ക് കുറഞ്ഞ സാഹചര്യത്തിൽ വേഗപരിധി പരിഷ്കരിക്കാൻ സാധിക്കുമെന്ന് എഡിജിപി വ്യക്തമാക്കി.
TAGS: BENGALURU | EXPRESSWAY
SUMMARY: More than 80k vehicles booked for over-speeding on Bengaluru-Mysuru Expressway
നിലമ്പൂര്‍: വോട്ടെണ്ണലിനു മണിക്കൂറുകൾ മാത്രം ശേഷിക്കെ യുഡിഎഫ് ക്രോസ് വോട്ട് ചെയ്തുവെന്ന ആരോപണവുമായി പി.വി. അൻവർ. തനിക്ക് ലഭിക്കേണ്ടിയിരുന്ന പതിനായിരത്തോളം…
ടെഹ്റാൻ: ആണവകേന്ദ്രങ്ങളിലെ അമേരിക്കൻ ആക്രമണത്തിന് പിന്നാലെ ഇറാൻ വിദേശകാര്യമന്ത്രി അബ്ബാസ് അരാഗ്ചി റഷ്യയിലേക്ക്. റഷ്യൻ പ്രസിഡന്റ് വ്ലാഡിമിർ പുട്ടിനുമായി തിങ്കളാഴ്ച…
പാലക്കാട്: കപ്പൂര്‍ വട്ടകുന്നിൽ ബൈക്കിൽ വന്ന യുവതിയെയും യുവാവിനെയും സദാചാര പോലീസ് ചമഞ്ഞ് ചോദ്യം ചെയ്തു മർദിച്ചസംഭവത്തില്‍ രണ്ടു പേർ…
ടെഹ്റാന്‍: പശ്ചിമേഷ്യയിലെ സംഘര്‍ഷം പുതിയതലത്തിലേക്ക് മാറുന്നു. ലോകത്തിലെ ഏറ്റവും നിര്‍ണായകമായ എണ്ണ ഇടനാഴിയായ ഹോര്‍മുസ് കടലിടുക്ക് അടക്കാന്‍ അടിയന്തരമായി ചേര്‍ന്ന…
കൊച്ചി: നിലമ്പൂരിലെ എല്‍ഡിഎഫ് സ്ഥാനാര്‍ത്ഥി എം സ്വരാജിനെ അനുകൂലിച്ച് ഫേസ്ബുക്കില്‍ പോസ്റ്റിട്ട എഴുത്തുകാരി ഹണി ഭാസ്‌കറിന് നേരെ അസഭ്യപ്രയോഗം നടത്തിയയാള്‍…
തിരുവനന്തപുരം: നാളെ സംസ്ഥാന വ്യാപകമായി വിദ്യാഭ്യാസ ബന്ദ് പ്രഖ്യാപിച്ച് എബിവിപി. സംസ്ഥാന സർക്കാർ പിഎം ശ്രീ പദ്ധതിയിൽ ഒപ്പ് വെക്കണമെന്ന്…