നബിദിനം; ബെംഗളൂരുവിൽ തിങ്കളാഴ്ച ഗതാഗത നിയന്ത്രണം

ബെംഗളൂരു: നബിദിനം പ്രമാണിച്ച് സെപ്റ്റംബർ 16ന് ബെംഗളൂരുവിലെ വിവിധയിടങ്ങളിൽ ഗതാഗത നിയന്ത്രണം ഏർപ്പെടുത്തിയതായി സിറ്റി പോലീസ് അറിയിച്ചു. ജെസി നഗർ ദർഗ മുതൽ ശിവാജിനഗർ കൻ്റോൺമെൻ്റ് വരെ, യെലഹങ്ക ഓൾഡ് ടൗൺ മസ്ജിദ്, പഴയ ബസ് സ്റ്റാൻഡ് മുതൽ സന്ന അമനിക്കെരെ വരെ, ബെല്ലാഹള്ളി ക്രോസ് മുതൽ നാഗവാര സിഗ്നൽ, രാജഗോപാൽനഗർ മെയിൻ റോഡ് മുതൽ പീനിയ സെക്കന്റ്‌ സ്റ്റേജ് വരെ, സൗത്ത് എൻഡ് സർക്കിൾ മുതൽ ആർ.വി. ലാൽബാഗ് വെസ്റ്റ് ഗേറ്റ്,

ഗീത ജംഗ്ഷൻ (കൂൾ ജോയിൻ്റ് ജംഗ്ഷൻ) മുതൽ സൗത്ത് എൻഡ് സർക്കിൾ വരെ, ബേന്ദ്ര ജംഗ്ഷൻ മുതൽ ഒബലപ്പ ഗാർഡൻ ജംഗ്ഷൻ വരെ, മഹാലിംഗേശ്വര ലേഔട്ട് മുതൽ അഡുഗോഡി എന്നിവിടങ്ങളിലാണ് നബിദിനത്തോട് അനുബന്ധിച്ചുള്ള റാലി സംഘടിപ്പിച്ചിട്ടുള്ളത്.

നേതാജി ജംഗ്ഷനിൽ നിന്ന് പോട്ടറി സർക്കിൾ വഴി ടാനറി റോഡിലേക്ക് എല്ലാ വാഹനങ്ങളുടെയും ഗതാഗതം തിങ്കളാഴ്ച നിരോധിച്ചിരിക്കുന്നതായി ട്രാഫിക് പോലീസ് അറിയിച്ചു. മസ്ജിദ് ജംഗ്ഷൻ മുതൽ എം.എം. നേതാജി ജംഗ്ഷനിൽ നിന്ന് മോസ്‌ക് ജംഗ്ഷനിലേക്കുള്ള റോഡിൽ വൺവേ ട്രാഫിക് മാത്രം അനുവദിക്കും. നേതാജി ജംഗ്ഷൻ മുതൽ ഹെയ്ൻസ് ജംഗ്ഷൻ വരെ എല്ലാ തരത്തിലുള്ള വാഹനങ്ങളും നിയന്ത്രിച്ചിട്ടുണ്ട്. നാഗവാര ജംഗ്ഷൻ മുതൽ പോട്ടറി സർക്കിൾ വരെ ഗതാഗതത്തിന് ഭാഗിക നിയന്ത്രണം ഏർപ്പെടുത്തും.

TAGS: BENGALURU | TRAFFIC RESTRICTED
SUMMARY: Bengaluru police issue traffic advisory for Eid-Milad on September 16