ബെംഗളൂരു: ബെംഗളൂരുവിനും മുംബൈയ്ക്കുമിടയില്‍ ഹുബ്ബള്ളി വഴി പുതിയൊരു ട്രെയിന്‍ സര്‍വീസ് ആരംഭിക്കുന്നു. എസ്എംവിടി ബെംഗളൂരു-ലോകമാന്യ തിലക് ടെര്‍മിനസ്-എസ്എംവിടി ബെംഗളൂരു ദ്വൈവാര എക്സ്പ്രസ് മെയ് 23 ന് ബെംഗളൂരുവിലെ എസ്എംവിടിയില്‍ നിന്നും മെയ് 24 ന് ലോക്മാന്യ തിലക് ടെര്‍മിനസില്‍ നിന്നും പുറപ്പെടും. ട്രെയിന്‍ നമ്പര്‍ 16553 ശനി, ചൊവ്വ ദിവസങ്ങളില്‍ രാത്രി 8.35 ന് എസ്എംവിടി ബെംഗളൂരുവില്‍ നിന്ന് പുറപ്പെട്ട് യഥാക്രമം ഞായറാഴ്ചകളിലും ബുധനാഴ്ചകളിലും രാത്രി 8.40 ന് എല്‍ടിടിയില്‍ എത്തും.
എല്ലാ ഞായറാഴ്ചകളിലും ബുധനാഴ്ചകളിലും രാത്രി 11.15 ന് എല്‍ടിടിയില്‍ നിന്ന് പുറപ്പെട്ട് ( ട്രെയിന്‍ നമ്പര്‍ 16554) തിങ്കള്‍, വ്യാഴാഴ്ചകളില്‍ രാത്രി 10.30 ന് എസ്എംവിടി ബെംഗളൂരുവില്‍ എത്തിച്ചേരും. 17 എല്‍എച്ച്ബി കോച്ചുകളാണ് ഉള്ളത്. ദാവന്‍ഗെരെ, ഹുബ്ബള്ളി, ധാര്‍വാഡ്, ബെലഗാവി, മിരാജ്, സാംഗ്ലി, കരാഡ്, സത്താറ, ലോനാട്, പൂനെ, ലോണാവാല, കര്‍ജാത്ത്, കല്യാണ്‍, താനെ എന്നിവിടങ്ങളിലാണ് സ്റ്റോപ്പുകള്‍. 24 മണിക്കൂറാണ് യാത്രാസമയം.
SUMMARY: Travel time 24 hours!!; New train on Bengaluru-Mumbai route
