ബെംഗളൂരു: രണ്ട് ദിവസം പ്രായമുള്ള കുഞ്ഞിനെ ഒരു ലക്ഷം രൂപക്ക് വിറ്റ സംഭവത്തിൽ ദമ്പതികളടക്കം മൂന്ന് പേര് അറസ്റ്റില്. വില്പ്പനയ്ക്ക് ഒത്താശ ചെയ്ത റിട്ട. നഴ്സും പിടിയിലായി. ചിക്കമഗളൂരു എൻ.ആർ പുര താലൂക്കിലെ ഹരാവരി ഗ്രാമത്തിലാണ് സംഭവം. എൻ.ആർ പുര സ്വദേശികളായ രത്ന (45), ഭർത്താവ് സദാനന്ദ എന്നിവർ കുഞ്ഞിനെ കാർക്കള സ്വദേശി രാഘവേന്ദ്രക്ക് വിൽക്കുകയായിരുന്നു. അറസ്റ്റിലായ റിട്ട. നഴ്സ് കുസുമയുടെ സഹോദരനാണ് ഇയാൾ. കുസുമയാണ് ഇടനിലക്കാരിയായി പ്രവർത്തിച്ചത്.
രത്നക്കും സദാനന്ദനും മൂന്ന് കുട്ടികളുണ്ട്, അവരിൽ രണ്ട് കുട്ടികളെ വിറ്റതായും സംശയിക്കുന്നുണ്ട്. സംഭവത്തില് എൻ.ആർ പുര പോലീസ് കേസെടുത്ത് കൂടുതൽ അന്വേഷണം നടത്തിവരുകയാണ്. രക്ഷപ്പെടുത്തിയ കുഞ്ഞിനെ എൻ.ആർ പുര പോലീസ് ശിശുക്ഷേമ സമിതിക്ക് കൈമാറി.
<BR>
TAGS : NEW BORN BABY
SUMMARY : Two-day-old baby sold for Rs 1 lakh; three arrested
