ബെംഗളൂരു: ഹാസനില് കനത്തമഴയ്ക്കിടെ പൊട്ടിവീണ വൈദ്യുതക്കമ്പിയിൽനിന്ന് ഷോക്കേറ്റ് 25 വര്ഷം പ്രായമായ പിടിയാനയും 2 വര്ഷം പ്രായമുള്ള കുട്ടിയാനയും ചരിഞ്ഞു. സകലേശ്പുര ഗുഡ്ഗാബെട്ടയിലെ കാപ്പിത്തോട്ടത്തിൽ ഞായറാഴ്ച വൈകീട്ടാണ് സംഭവം. കനത്തമഴയിൽ വൈദ്യുതക്കമ്പി പൊട്ടിവീണിരുന്നു. ഭക്ഷണം തേടിപ്പോകുന്നതിനിടെ ആനകൾ വൈദ്യുതലൈനിൽ ചവിട്ടിയാണ് ഷോക്കേറ്റത്. വനംവകുപ്പ് ഉദ്യോഗസ്ഥർ സ്ഥലത്തെത്തി പരിശോധന നടത്തി. സംഭവത്തിൽ സകലേശ്പുര റൂറൽ പോലീസ് കേസെടുത്തു. ആലൂര്, അറയ്ക്കല്ഗുഡ്, സകലേശ്പുര പ്രദേശങ്ങളില് കാട്ടാന ശല്യം രൂക്ഷമാണ്.
SUMMARY: Two Elephants Electrocuted In Saklashpur