ക്ഷേത്രത്തിൽ നിന്ന് ഭണ്ഡാരപ്പെട്ടി മോഷ്ടിച്ച രണ്ട് പേർ പിടിയിൽ

ബെംഗളൂരു: ക്ഷേത്രത്തിൽ നിന്ന് ഭണ്ഡാരപ്പെട്ടി മോഷ്ടിച്ച പ്രായപൂർത്തിയാകാത്ത രണ്ട് പേർ പിടിയിൽ. ചാമരാജ്പേട്ട് വെങ്കടരമണസ്വാമി ക്ഷേത്രത്തിൽ തിങ്കളാഴ്ചയാണ് സംഭവം. കണിയറ കോളനിയിലുള്ള ക്ഷേത്രത്തിന് മുന്നിൽ ഭക്തർക്ക് വേണ്ടി സ്ഥാപിച്ചിരുന്ന ഭണ്ഡാരം ഞായറാഴ്ച രാവിലെയാണ് കാണാതായത്. തുടർന്ന് ക്ഷേത്ര മാനേജർ ശ്രീനിവാസ് പോലീസിൽ പരാതി നൽകുകയായിരുന്നു.

പ്രദേശത്തെ സിസിടിവി കേന്ദ്രീകരിച്ച് നടത്തിയ അന്വേഷണത്തിലാണ് പ്രതികൾ കുടുങ്ങുന്നത്. ഇവരിൽ നിന്ന് ഭണ്ഡാരപ്പെട്ടി കൂടാതെ ഓട്ടോറിക്ഷയും, 2.39 ലക്ഷം രൂപ വിലമതിക്കുന്ന അഞ്ച് ഇരുചക്ര വാഹനങ്ങളും കണ്ടെടുത്തതായി പോലീസ് പറഞ്ഞു. ഇരുവരും ചാമരാജ്പേട്ടിലെ പതിവ് കുറ്റവാളികളാണ്. മുമ്പും സമാന കേസുകളിൽ ഇവർ അറസ്റ്റിലായിട്ടുണ്ട്. ഇവരെ ജുവനൈൽ ജസ്റ്റിസ് ഹോമിലേക്ക് അയച്ചതായി പോലീസ് പറഞ്ഞു.

TAGS: BENGALURU
SUMMARY: Two minors booked for stealing Hundi box from temple