യുഡിഎഫ് കർണാടക തിരഞ്ഞെടുപ്പ് കൺവെൻഷൻ നാളെ

ബെംഗളൂരു: കേരളത്തില്‍ നടക്കുന്ന നിയമസഭ തിരഞ്ഞെടുപ്പിനോടനുബന്ധിച്ച് യുഡിഎഫ് കർണാടക സംഘടിപ്പിക്കുന്ന തിരഞ്ഞെടുപ്പ് കൺവെൻഷൻ നാളെ വൈകിട്ട് 6 ന് മടിവാള സേവറി ഹോട്ടലിൽ നടക്കും. സോപാന സംഗീത ഗായകൻ ഞരളത്ത് ഹരിഗോവിന്ദൻ പരിപാടി ഉദ്ഘാടനം ചെയ്യും. യുഡിഎഫ് ചെയർമാൻ അഡ്വ സത്യൻ പുത്തൂര്‍ അധ്യക്ഷത വഹിക്കും. കോൺഗ്രസ് വക്താവ് നിജേഷ് അരവിന്ദ് മുഖ്യപ്രഭാഷണം നടത്തും. യോഗത്തിൽ പങ്കെടുക്കുവാൻ എല്ലാ ജനാധിപത്യ വിശ്വാസികളെയും സ്വാഗതം ചെയ്യുന്നതായി ഭാരവാഹികള്‍ അറിയിച്ചു.