ഡല്ഹി: ഏഷ്യൻ ഗെയിംസ് ഗുസ്തി യോഗ്യതാ മത്സരങ്ങളില് മിന്നും തുടക്കം കുറിച്ച ഇന്ത്യയുടെ വെറ്ററൻ താരം വിനേഷ് ഫോഗട്ടിന് മൂന്നാം റൗണ്ടില് അപ്രതീക്ഷിത തോല്വി. ശനിയാഴ്ച നടന്ന കടുത്ത പോരാട്ടത്തില് ഹരിയാനയില് നിന്നുള്ള യുവതാരം മീനാക്ഷിയോടാണ് വിനേഷ് ഫോഗട്ട് 4-6 എന്ന സ്കോറിന് പരാജയപ്പെട്ടത്.
ആദ്യ രണ്ട് മത്സരങ്ങളിലും ആധികാരിക വിജയം നേടി മുന്നേറിയ വിനേഷിന് സെമിഫൈനല് ലക്ഷ്യമിട്ടുള്ള ഈ നിർണ്ണായക മത്സരത്തില് മീനാക്ഷിയുടെ വേഗതയേറിയ ലെഗ് അറ്റാക്കുകളെയും പ്രതിരോധ തന്ത്രങ്ങളെയും മറികടക്കാൻ സാധിച്ചില്ല. കടുത്ത നാടകീയതകള്ക്കൊടുവില് ഡബ്ല്യു.എഫ്.ഐ അനുവദിച്ച തന്റെ പ്രിയപ്പെട്ട 53 കിലോഗ്രാം ഭാരവിഭാഗത്തിലാണ് വിനേഷ് മത്സരിക്കുന്നത്.
ഈ തോല്വിയോടെ ഏഷ്യൻ ഗെയിംസ് ടീമിലിടം നേടാനുള്ള വിനേഷിന്റെ യോഗ്യതാ സാധ്യതകള് ഇനി വരാനിരിക്കുന്ന മത്സരങ്ങളിലെ പ്രകടനങ്ങളെയും പോയിന്റ് നിലകളെയും ആശ്രയിച്ചിരിക്കും.
SUMMARY: Asian Games hopes dashed; Vinesh Phogat knocked out of selection trials
