തിരുവനന്തപുരം: വോട്ട് കൊള്ള ആരോപണത്തില് രാഹുല്ഗാന്ധിക്ക് ഐക്യദാര്ഢ്യം പ്രഖ്യാപിച്ച് സംസ്ഥാന വ്യാപകമായി കോണ്ഗ്രസ് ഇന്ന് ഫ്രീഡം നൈറ്റ് മാര്ച്ച് സംഘടിപ്പിക്കും. പതിനാല് ഡിസിസികളും രാത്രി എട്ടുമണിക്കു മാര്ച്ച് സംഘടിപ്പിക്കണമെന്നാണ് കെപിസിസി നിര്ദേശം.
തിരുവനന്തപുരം മ്യൂസിയം ജംഗ്ഷനിൽ നിന്ന് പാളയം രക്തസാക്ഷി മണ്ഡലത്തിലേക്കുള്ള നൈറ്റ് മാർച്ചിന്റെ സംസ്ഥാനതല ഉദ്ഘാടനം എഐസിസി ജനറൽ സെക്രട്ടറി കെ.സി വേണുഗോപാൽ നിർവഹിക്കും. കെപിസിസി അധ്യക്ഷൻ സണ്ണി ജോസഫ് വയനാടും പ്രതിപക്ഷ നേതാവ് വി.ഡി സതീശൻ എറണാകുളത്തും മാർച്ചിന് നേതൃത്വം നൽകും. രമേശ് ചെന്നിത്തല ആലപ്പുഴയിലും, കെ. സുധാകരൻ കണ്ണൂരിലും മാർച്ച് നയിക്കും.കൊല്ലത്ത് കൊടിക്കുന്നില് സുരേഷ്, മലപ്പുറത്ത് എ പി അനില്കുമാര്, പാലക്കാട് പി സി വിഷ്ണുനാഥ്, കാസര്കോട് ഷാഫി പറമ്പില്, പത്തനംതിട്ടയില് അടൂര് പ്രകാശ്, കോട്ടയത്ത് തിരുവഞ്ചൂര് രാധാകൃഷ്ണന്, തൃശ്ശൂരില് ബെന്നി ബെഹനാന്, കോഴിക്കോട് എം കെ രാഘവന്, ഇടുക്കിയില് ഡീന് കുര്യാക്കോസ് എന്നിവര് മാര്ച്ചിന് നേതൃത്വം നല്കും.
വോട്ട് കൊള്ളയ്ക്കും ബീഹാര് വോട്ടര്പട്ടിക പരിഷ്കരണത്തിനുമെതിരെ കോണ്ഗ്രസ് സംഘടിപ്പിക്കുന്ന രാജ്യവ്യാപക പ്രതിഷേധത്തിന്റെ ഭാഗമായി ഇന്ന് ‘വോട്ട് ചോരി’ മുദ്രാവാക്യം മുഴക്കി എല്ലാ ജില്ലകളിലും ഇന്നു മെഴുകുതിരി മാര്ച്ചുകള് നടത്തും. സംസ്ഥാന തലങ്ങളിലും പ്രധാനപ്പെട്ട നഗരങ്ങളിലും മെഗാ റാലികളുമുണ്ട്. സെപ്റ്റംബര് 15 മുതല് ഒക്ടോബര് 15 വരെ രാജ്യ വ്യാപകമായി ക്യാമ്പയിനുകളും നടത്തും.
SUMMARY: Vote Theft: Solidarity with Rahul Gandhi, Congress Freedom Night March Tonight
WhatsApp
Telegram
