തിരുവനന്തപുരം: പട്ടം എസ്യുടി ആശുപത്രിയില് ചികിത്സയില് കഴിയുന്ന മുൻ മുഖ്യമന്ത്രിയും മുതിർന്ന സിപിഎം നേതാവുമായ വിഎസ് അച്യുതാനന്ദന്റെ ആരോഗ്യനില മാറ്റമില്ലാതെ തുടരുന്നുവെന്ന് പുതിയ മെഡിക്കല് ബുള്ളറ്റിൻ. ഇന്ന് രാവിലെ ചേർന്ന മെഡിക്കല് ബോർഡ് യോഗത്തിന് ശേഷമാണ് മെഡിക്കല് സൂപ്രണ്ട് മെഡിക്കല് ബുള്ളറ്റിൻ ഇറക്കിയത്.
തീവ്രപരിചരണ വിഭാഗത്തില് പ്രവേശിപ്പിക്കപ്പെട്ട വിഎസിന്റെ ആരോഗ്യനില മാറ്റമില്ലാതെ തുടരുന്നു എന്നാണ് മെഡിക്കല് സൂപ്രണ്ട് അറിയിച്ചത്. വിഎസിന്റെ ആരോഗ്യനില അതീവ ഗുരുതരമായി തുടരുകയാണ്. മരുന്നുകളോട് പ്രതികരിക്കുന്നുണ്ടെങ്കിലും രക്ത സമ്മർദവും വൃക്കകളുടെ പ്രവർത്തനവും സാധാരണ നിലയിലായിട്ടില്ല.
ഇടവിട്ട് നല്കിവരുന്ന ഡയാലിസിസ് ശാരീരിക അവസ്ഥ കണക്കിലെടുത്ത് ഇടയ്ക്ക് നിർത്തിവയ്ക്കുന്നുണ്ട്. തിരുവനന്തപുരം മെഡിക്കല് കോളേജ് നെഫ്രോളജി വിഭാഗം മേധാവി കഴിഞ്ഞ ദിവസം ആശുപത്രിയിലെത്തി വിഎസിന്റെ ആരോഗ്യസ്ഥിതി വിലയിരുത്തിയിരുന്നു. നിലവില് നല്കിവരുന്ന ചികിത്സകള് തന്നെ തുടരാനാണ് നിർദേശം.
SUMMARY: VS Achuthanandan’s health condition remains critical
