ദുരന്തത്തില്‍പ്പെട്ടവരുടെ ഇൻഷുറൻസ് ക്ലെയിം നടപടികള്‍ വേഗത്തില്‍ പൂര്‍ത്തിയാക്കി പണം നല്‍കണമെന്ന് കേന്ദ്രം

വയനാട് ഉരുള്‍പൊട്ടല്‍ ദുരന്തത്തിന് ഇരയായവർക്ക് വേഗം ഇൻഷുറൻസ് ക്ലെയിമുകള്‍ തീ‍‍ര്‍പ്പാക്കി പണം നല്‍കണമെന്ന്‌ കേന്ദ്രസർക്കാർ നിർദേശം. എല്‍ഐസി, നാഷണല്‍ ഇൻഷുറൻസ്, ന്യൂ ഇന്ത്യ അഷുറൻസ്, ഓറിയെന്റല്‍ ഇൻഷുറസ്, യുണൈറ്റഡ് ഇന്ത്യാ ഇൻഷുറൻസ് അടക്കമുള്ള കമ്പനികള്‍ക്കാണ് കേന്ദ്ര ധനകാര്യമന്ത്രാലയം നിര്‍ദ്ദേശം നല്‍കിയത്.

ഉരുള്‍പൊട്ടല്‍ ദുരന്തത്തില്‍ ഇരയായവരുടെ കുടുംബങ്ങള്‍ക്ക് ഇന്‍ഷുറന്‍സ് തുക വേഗത്തില്‍ ലഭ്യമാക്കുമെന്ന് എല്‍ഐസി അറിയിച്ചിരുന്നു. ഇതിന്റെ ഭാഗമായി ഡോക്യുമെന്റേഷൻ നടപടികളില്‍ ഇളവു വരുത്തിയിട്ടുണ്ട്. പ്രധാനമന്ത്രി ജീവൻ ജ്യോതി ബീമാ യോജനയ്‌ക്ക് കീഴിലുള്ള പോളിസി ഉടമകളുടെ ക്ലെയിം തുക വേഗത്തില്‍ വിതരണം ചെയ്യാൻ എല്‍ഐസിയോടും ആവശ്യപ്പെട്ടിട്ടുണ്ട്.

കമ്പനികള്‍ അർഹരായവരുടെ ക്ലെയിമുകള്‍ വേഗത്തില്‍ തീർപ്പാക്കി പണം നല്‍കുന്നുണ്ടോയെന്ന് ജനറല്‍ ഇൻഷുറൻസ് കൗണ്‍സില്‍ വിലയിരുത്തും. ക്ലെയിം ചെയ്യുന്നവർക്ക് വേണ്ടി പ്രത്യേക പോർട്ടല്‍ ആരംഭിക്കുമെന്നും ധനകാര്യ മന്ത്രാലയം അറിയിച്ചു.

TAGS : WAYANAD LANDSLIDE | INSURANCE
SUMMARY : The center should speed up the insurance claim process and pay the disaster victims