മലപ്പുറം: നിലമ്പൂരില് സ്വർണമാല മോഷ്ടിച്ച് വിഴുങ്ങിയ യുവതി അറസ്റ്റില്. നിലമ്പൂർ മുക്കട്ട സ്വദേശി സമീനയാണ് അറസ്റ്റിലായത്. കുട്ടിയുമായി ക്ലിനിക്കിലെത്തിയ കുടുംബത്തിന്റെ മാലയാണ് കവർന്നത്. കഴിഞ്ഞ 10 ആം തീയതിയാണ് സംഭവം. കുട്ടിയെ ഡോക്റ്ററെ കാണിക്കാനായി എത്തിയതായിരുന്നു കുടുംബം. ക്ലിനിക്കില് കാത്തിരിക്കുന്നതിനിടെ പ്രതി കുട്ടിയുടെ അടുത്തെത്തി.
ഇതിനിടെയാണ് മാല കാണാതായത് ശ്രദ്ധയില്പ്പെട്ടത്. ഉടൻ തന്നെ പോലീസില് വിവരം അറിയിച്ചു. പോലീസ് നടത്തിയ പരിശോധനയില് സമീനയില് സംശയം തോന്നുകയും കൂടുല് പരിശോധനയ്ക്ക് വിധേയമാക്കാൻ തീരുമാനിക്കുകയും ആയിരുന്നു. സ്കാനിങില് തൊണ്ടിമുതല് ശരീരത്തിനുള്ളിലുണ്ടെന്ന് കണ്ടെത്തുകയുമായിരുന്നു. പ്രതിയുടെ വയറ്റിനുള്ളില് നിന്ന് തൊണ്ടിമുതല് പുറത്തെടുക്കാനുള്ള കാത്തിരിപ്പിലാണ് പോലീസ്.
SUMMARY: Woman arrested for stealing child’s gold necklace and swallowing it
