ട്രക്ക് ഇടിച്ച് സ്കൂട്ടർ യാത്രക്കാരിയായ 52 വയസ്സുകാരിക്ക് ദാരുണാന്ത്യം, 2 പേർക്ക് പരുക്ക്

ബെംഗളൂരു: നായന്തഹള്ളിയിൽ ട്രക്ക് സ്കൂട്ടറുമായി കൂട്ടിയിടിച്ചുണ്ടായ അപകടത്തിൽ 52 വയസ്സുകാരി മരിച്ചു. 9 വയസ്സുകാരൻ ഉൾപ്പെടെ 2 പേർക്ക് പരുക്കേറ്റു. ജി.എൻ. രേണുകയാണ് മരിച്ചത്. മോക്ഷിത്, കുസുമ എന്നിവർക്ക് പരുക്കേറ്റു.

നായന്തഹള്ളിയിൽ നിന്നു ഡിജി സർക്കിളിലേക്കു സ്കൂട്ടറിൽ പോകുകയായിരുന്നു മൂവരും. കുസുമയാണ് വാഹനം ഓടിച്ചിരുന്നത്. അമിത വേഗത്തിലെത്തിയ ലോറി മൂവരെയും പുറകിൽ നിന്ന് ഇടിച്ചു തെറിപ്പിക്കുകയായിരുന്നു. തെറിച്ചു വീണ രേണുകയുടെ ദേഹത്തിലൂടെ ട്രക്ക് കയറി ഇറങ്ങി. ഉടൻ ആശുപത്രിയിൽ പ്രവേശിപ്പിച്ചെങ്കിലും ജീവൻ രക്ഷിക്കാനായില്ല.

അശ്രദ്ധമായി വാഹനം ഓടിച്ചതിനു ട്രക്ക് ഡ്രൈവർ പി. ഗോവർധനെ പൊലീസ് കസ്റ്റഡിയിലെടുത്തു.

SUMMARY: Woman killed, 2 injured as truck hits scooter.