മുംബൈ: ഇന്ത്യൻ ക്രിക്കറ്റിൽ പുതുചരിത്രമെഴുതി വനിതകൾ. മുംബൈ ഡി.വൈ.പട്ടേൽ സ്റ്റേഡിയത്തിൽ ഇന്നലെ നടന്ന ഏകദിന വനിതാ ലോകകപ്പ് കലാശപ്പോരാട്ടത്തിൽ കരുത്തരായ ദക്ഷിണാഫ്രിക്കയെ 52 റൺസിന് തോൽപിച്ച് നമ്മുടെ സ്വന്തം പെണ്പട ഐ.സി.സി ലോകകപ്പ് സ്വന്തമാക്കി. 1973ൽ തുടങ്ങിയ വനിതാ ലോകകപ്പിന്റെ 13–ാം എഡിഷനിലാണ് ഇന്ത്യന് കീരിട സ്വപ്നം പൂവണിഞ്ഞത്. 2005ലും 2017ലും ഫൈനലിൽ തകര്ന്നുപോയ കിരീട മോഹമാണ് സ്വന്തം തട്ടകമായ മുംബൈയില് വെച്ച് ഇപ്പോള് സ്വന്തമാക്കിയിരിക്കുനത്
ടോസ് നഷ്ടപ്പെട്ട് ആദ്യം ബാറ്റിംഗിനിറങ്ങിയ ഇന്ത്യ നിശ്ചിത 50 ഓവറിൽ ഏഴുവിക്കറ്റ് നഷ്ടത്തിൽ 298 റൺസ് നേടി. സ്മൃതി മന്ഥന (58 പന്തില് 45), ഷഫാലി വര്മ (78ല് 87), ജെമിമ റോഡ്രിഗസ് (37ല് 24), ദീപ്തി ശര്മ (58ല് 58), റിച്ച ഘോഷ് (24ല് 34) എന്നിവരുടെ കിടയറ്റ ബാറ്റിംഗാണ് മികച്ച സ്കോര് പടുത്തുയര്ത്താന് ഇന്ത്യയെ സഹായിച്ചത്. ക്യാപ്റ്റന് ഹര്മന്പ്രീത് കൗര് 20ഉം അമന്ജോത് കൗര് 12ഉം റണ്സെടുത്തു. രാധ യാദവ് മൂന്ന് റണ്സുമായി പുറത്താകാതെ നിന്നു.
മറുപടി ബാറ്റിങ്ങിനിറങ്ങിയ ദക്ഷിണാഫ്രിക്കയ്ക്ക് മികച്ച തുടക്കമാണ് ഓപ്പണര്മാര് നല്കിയത്. ഒന്നാം വിക്കറ്റില് 51 റണ്സ് ചേര്ക്കാന് വോള്വാര്ഡ് – ടസ്മിന് ബ്രിട്ട്സ് (23) സഖ്യത്തിന് സാധിച്ചിരുന്നു. എന്നാല് ടസ്മിന് 10-ാം ഓവറില് അമന്ജോത് കൗറിന്റെ നേരിട്ടുള്ള ഏറില് റണ്ണൗട്ടായി.പിന്നാലെ അന്നകെ ബോഷ് (0) ശ്രീചരണിയുടെ പന്തില് വിക്കറ്റിന് മുന്നില് കുടുങ്ങി. സുനെ ലുസ് (2), മരിസാനെ കാപ്പ് (4), സിനാലോ ജാഫ്ത (16) എന്നിവരെല്ലാം നിരാശപ്പെടുത്തി. ഇതോടെ അഞ്ചിന് 148 എന്ന നിലയിലായി ദക്ഷിണാഫ്രിക്ക. പിന്നാലെ വാള്വാര്ഡ് – അനെകെ ബോഷ് സഖ്യം 61 റണ്സ് കൂട്ടിചേര്ത്തു. ബോഷ്, ദീപ്തിയുടെ പന്തില് ബൗള്ഡായി. വൈകാതെ വോള്വാര്ഡും മടങ്ങി. ഇതോടെ ദക്ഷിണാഫ്രിക്കന് പ്രതീക്ഷകള് അവസാനിച്ചു. ക്ലോ ട്രൈയോണ് (9), നതീന് ഡി ക്ലാര്ക്ക് (18), അയബോന്ഗ ഖാക (1) എന്നിവരാണ് പുറത്തായ മറ്റുതാരങ്ങള്. മ്ലാബ പുറത്താവാതെ നിന്നു.
SUMMARY: Women’s team creates history; India beats South Africa by 52 runs to win maiden Women’s ODI World Cup
തിരുവനന്തപുരം: തിരുവനന്തപുരം കോർപ്പറേഷനില് മേയർ പദവി വാഗ്ദാനം ചെയ്താണ് തന്നെ മത്സരിപ്പിച്ചതെന്ന് വെളിപ്പെടുത്തി കൗണ്സിലറും മുൻ ഡിജിപിയുമായ ആർ. ശ്രീലേഖ.…
ന്യൂയോര്ക്ക്: ആന്ധ്രാപ്രദേശില് നിന്നുള്ള ദമ്പതികള് അമേരിക്കയില് ഉണ്ടായ വാഹനാപകടത്തില് മരിച്ചു. രണ്ട് കുട്ടികള്ക്ക് ഗുരുതരമായി പരുക്കേറ്റു. പശ്ചിമ ഗോദാവരി ജില്ലയിലെ…
കൊച്ചി: കൊച്ചിയിലെ സിറ്റി യൂണിയന് ബാങ്കുകളില് ബോംബ് ഭീഷണി. ബാങ്കിന്റെ രണ്ട് ശാഖകളിലാണ് ഭീഷണി സന്ദേശം എത്തിയത്. ഉച്ചയ്ക്ക് സ്ഫോടനം…
പാലക്കാട്: ഒറ്റപ്പാലത്ത് ഇടതുമുന്നണി സ്ഥാനാർഥിയായി ഡോക്ടർ പി സരിനേ പരിഗണിക്കുമെന്ന് സൂചന. ഇക്കാര്യത്തില് സിപിഎം സംസ്ഥാന തലത്തില് നീക്കം നടത്തുന്നുവെന്ന…
ഡല്ഹി: 2020-ലെ ഡല്ഹി കലാപത്തിന് പിന്നിലെ ഗൂഢാലോചനയില് പങ്കുണ്ടെന്ന് ആരോപിച്ച് യുഎപിഎ ചുമത്തപ്പെട്ട് ജയിലില് കഴിയുന്ന മുൻ ജെഎൻയു വിദ്യാർഥികളായ…
പാലക്കാട്: വ്യായാമത്തിനായി കെട്ടിയ കയറില് കുരുങ്ങി വിദ്യാർഥിനിക്ക് ദാരുണാന്ത്യം. കൂറ്റനാട് പുളിക്കല് വീട്ടില് അലിമോൻ്റെ മകള് ആയിഷ ഹിഫയാണ് (11)…