വോട്ടർ പട്ടികയിൽ നിങ്ങളുടെ പേരുണ്ടോ? 14 വരെ പേരുചേർക്കാം, അന്തിമ പട്ടിക ഒക്ടോബർ 25 ന്

തിരുവനന്തപുരം: തദ്ദേശ തെരെഞ്ഞെടുപ്പുമായി ബന്ധപ്പെട്ട് 14 വരെ വോട്ടർ പട്ടികയിൽ പേരുചേർക്കാം. പേരു ചേർക്കുന്നത് ഉൾപ്പെടെയുള്ള അപേക്ഷകളും ആക്ഷേപങ്ങളും 14-ാം തീയതിവരെ www.sec.kerala.gov.in എന്ന വെബ്സൈറ്റിൽ ഓൺലൈനായി നൽകാം.

2025 ജനുവരി ഒന്നിനോ അതിനുമുമ്പോ 18 വയസ് തികഞ്ഞവർക്ക് വോട്ടർ പട്ടികയിൽ പേരു ചേർക്കാം. വോട്ടർ പട്ടികയിൽ പേര് ചേർക്കുന്നതിന് ഫോറം നാലും വോട്ടർ പട്ടികയിലെ വിവരങ്ങൾ തിരുത്തുന്നതിന് ഫോറം ആറിലും അപേക്ഷ നൽകണം.
ഒരു വോട്ടറുടെ പേരുവിവരം ഒരു വാർഡിൽ നിന്നും മറ്റൊരു വാർഡിലേക്ക് മാറ്റുന്ന തിന് ഫോറം നമ്പർ ഏഴിലും അപേക്ഷ നൽകാം. അന്തിമ വോട്ടർപട്ടിക ഒക്ടോബർ 25 ന് പ്രസിദ്ധീകരിക്കും.
SUMMARY: You can add your name to the voter list until October 14, the final voter list will be published on October 25.