ബീച്ചില്‍ കഞ്ചാവ് ഉണക്കാനിട്ട് സമീപത്ത് പായ വിരിച്ച്‌ കിടന്നുറങ്ങി; യുവാവ് പിടിയില്‍

കോഴിക്കോട്: കോഴിക്കോട് ബീച്ചില്‍ കഞ്ചാവ് ഉണക്കാൻ ഇട്ട് കിടന്ന് ഉറങ്ങിയ ആള്‍ പിടിയില്‍. വെള്ളയില്‍ സ്വദേശി മുഹമ്മദ് റാഫിയാണ് അറസ്റ്റിലായത്. രാവിലെ ബീച്ചില്‍ വ്യായാമത്തിന് എത്തിയ ആളുകളാണ് ഇയാളെ ആദ്യം കണ്ടത്. മുഹമ്മദ് റാഫി നേരത്തെയും കഞ്ചാവ് കേസുകളില്‍ പ്രതിയാണ്.

കോഴിക്കോട് ഏറ്റവും കൂടുതല്‍ ആളുകള്‍ , എത്തുന്ന സ്ഥലത്താണ് ഒരാള്‍ പരസ്യമായി കഞ്ചാവ് ഉണക്കാൻ ഇട്ട ശേഷം കിടന്ന് ഉറങ്ങുന്നത്. രാവിലെ നടക്കാൻ എത്തിയ ആളുകള്‍ക്ക് സംശയം തോന്നിയതോടെ പോലീസില്‍ വിവരം അറിയിച്ചു. ഉടൻ വെള്ളയില്‍ പോലീസില്‍ വിവരം അറിയിച്ചു. ഇവർ സ്ഥലത്തെത്തി നടത്തിയ പരിശോധനയിലാണ് ഉണക്കാൻ ഇട്ടത് കഞ്ചാവാണെന്ന് സ്ഥിരീകരിച്ചത്.

പിന്നാലെ പ്രതിയെ കസ്റ്റഡിയില്‍ എടുത്തു. വെള്ളയില്‍ സ്വദേശി മുഹമ്മദ് റാഫിയാണ് പിടിയിലായത്. സ്ഥിരം കഞ്ചാവ് കേസില്‍ പ്രതിയായ ഇയാളെ പോലീസ് ചോദ്യം ചെയ്യുകയാണ്. പിന്നീട് കോടതിയില്‍ ഹാജരാക്കും. അതേസമയം, നിരന്തരം പോലീസ് പട്രോളിങ് നടക്കുന്ന മേഖലയില്‍ ഒരാള്‍ കഞ്ചാവുമായി കിടന്ന് ഉറങ്ങിയതോടെ, പോലീസിനെതിരെ വിമർശനവും ഉയരുന്നുണ്ട്.

SUMMARY: Youth arrested for sleeping on a mat near a beach where ganja was drying