ക്ഷേത്ര കുളത്തില്‍ യുവാവ് മുങ്ങി മരിച്ചു

തൃശൂർ: പാർളിക്കാട് പട്ടിച്ചിറക്കാവ് ക്ഷേത്ര കുളത്തില്‍ യുവാവ് മുങ്ങി മരിച്ചു. തെക്കുംകര വലിയ വീട്ടില്‍ കല്ലിപറമ്പിൽ സുനില്‍ കുമാർ (47)ആണ് മുങ്ങി മരിച്ചത്. തിരുവാണിക്കാവ് ഓട്ടോ ഡ്രൈവറാണ് സുനില്‍. കൂട്ടുകാരുമായി എത്തിയ സുനില്‍ ക്ഷേത്രക്കുളത്തില്‍ നീന്തുന്നതിനിടെ ശരീരം കുഴഞ്ഞ് മുങ്ങി താഴുകയായിരുന്നു.

തുടർന്ന് നാട്ടുകാർ വടക്കാഞ്ചേരി ഫയർഫോഴ്സില്‍ അറിയിക്കുകയായിരുന്നു. ഫയർഫോഴ്സ് ഒന്നര മണിക്കൂറോളം തിരച്ചില്‍ നടത്തിയ ശേഷമാണ് മൃതദേഹം കണ്ടെത്തിയത്. മൃതദേഹം മുളകുന്നത്ത്കാവ് മോർച്ചറിയിലേക്ക് മാറ്റി. പോസ്റ്റ്മോർട്ടത്തിന് ശേഷം മൃതദേഹം കുടുംബത്തിന് വിട്ടുനല്‍കും.

SUMMARY: Youth drowns in temple pond